Қўшимча функционаллар
-
Тунги кўриниш
Ироқ президенти мамлакат ҳудудидан Эронга зарба бериш учун фойдаланишга йўл қўйилмаслигини айтди
Фото: CNN
Бағдод ҳар қандай ҳолатда ҳам Эронга зарба бериш учун АҚШга Ироқдаги Америка базаларидан фойдаланишга рухсат бермайди. Бу ҳақда Ироқ президенти Бархам Солиҳ CNN телекомпаниясига берган интервьюсида айтди.
"Биз ҳудудимиз қўшниларимиз, жумладан Эронга қарши ҳар қандай душманлик ҳаракатлари учун плацдармга айланишини истамаймиз", - деб таъкидлади Солиҳ.
"Ироқ кейинги қирқ йил давомида дўзах азобида яшади. Биз тикланиш, тинчлик ва олдинга қадам ташлашни истаймиз, низолар исканжасига яна қайтмоқчи эмасмиз. Минтақадаги барча давлатлар ҳамда халқаро ўйинчиларга шуни айтмоқчиманки, Ироқнинг барқарорлиги ва хавфсизлиги ўта муҳим аҳамиятга эга", - деб қўшиб қўйди у.
Эрон атрофидаги вазият 13 июнда Уммон кўрфазида иккита танкерга ҳужум уюштирилганидан сўнг кескинлашди. АҚШ бу воқеада Эронни айблади, Теҳрон эса бу айбловни рад этди.
Мавзуга оид
11:50
«Еттилик гуруҳи» давлатлари Эроннинг Исроилга ракета ҳужумини қоралади
10:30
Путин урушда қатнашаётган судланувчиларни жазодан озод қилди
23:04 / 02.10.2024
Uzbekistan Airways Ироқ ва Эрон ҳаво ҳудудини айланиб ўтишини эълон қилди
20:53 / 02.10.2024