«UZSTAFF-2025» лойиҳасидаги ёшларимиз хорижда кафолатли иш билан таъминланадилар

Республикамизда фаолият олиб бораётган хусусий бандлик агентликлари орада қисқа вақт ичида ўзига яраша ўрнини топган профессионал жамоа UNISTAFF хусусий бандлик агентлигидир. Бош офиси Фарғона шаҳрида жойлашган агентлик 2019 йил январдан эътиборан, Бандлик ва меҳнат муносабатлари вазирлиги томонидан берилган №0026 рақамли лицензия асосида иш юритади. Бугунги кунда агентлик Фарғона, Тошкент, Наманган шаҳарларида ўз офисларига эга ва Республика бўйлаб ҳудудлардаги мижозларига хизмат кўрсатиб келмокда.

Яқин кунларда ижтимоий тармоқларда UNISTAFF агентлиги фуқароларни касбга тайёрлаш ва уларни хорижда ишга жойлаш учун «UZSTAFF-2025» лойиҳасини ишлаб чиққанини маълум қилди. Биз лойиҳа мақсади ва унда иштирок этиш талаблари ҳақида маълумот олиш учун лойиҳа муаллифлари UNISTAFF агентлиги бош мутахассиси А.Бозоров ва унинг бошчилигидаги жамоа аъзоларидан бири Ф.Курбоновлар билан боғландик.

Агентлик жамоаси томонидан ишлаб чиқилган «UZSTAFF-2025» лойиҳаси кимлар учун мўлжалланган ва лойиҳа мақсади қандай?

Биз танишиб чиққан маълумотларга кўра лойиҳа жуда кенг ва мукаммал ишлаб чиқилган. Ундаги узоқ йилларни кўзлаб қилинган мақсадга қараб лойиҳа муаллифлари жамоаси ҳақиқатдан ҳам етарли тажрибага эга ходимлардан ташкил топганлигини билиш мумкин.

Шу ўринда, қайд этиш ўринлики, UNISTAFF жамоаси хусусий бандлик агентлик мақомини олмасдан аввал бу жамоанинг мутахассислари 200 дан ортиқ фуқарони Араб давлатлари меҳмонхона ишларига, 50 дан ортиқ ёшларни Корея университетларига таҳсилга юборган. Бундан ташқари, жамоада фаолият олиб бораётган ўқитувчиларда корейс тилини ўрганган 100дан ортиқ ёшлар EPS-TOPIK имтиҳонларидан муваффақиятли ўтган.

«UZSTAFF-2025» лойиҳасидан кўзланган асосий мақсад Ўзбекистон фуқароларини хорижга ишга жойлаш жараёнларини уларнинг малакасисиз жадаллаштириб бўлмаслиги ҳақида тушинтиришлар олиб бориш. Ўзбекистон меҳнат бозоридаги мутахассислиги йўқ ва касб танлашга қийналаётган фуқароларни хорижда меҳнат фаолияти олиб боришлари учун тайёрлаш ва кафолатли иш билан таъминлаш.

Бугунги кунда бирор касб ёки мутахассислик бўйича тажрибаси етарли бўлмай, бир ишни бошини ушлашда иккиланиб турган ёшларни хорижда талаб катта бўлган мутахассисликлар, замонавий касб-ҳунарлардан бирига тайёрлаш лойиҳа мақсадларидан бири бўлиб, «UZSTAFF-2025» лойиҳаси асосида тайёрланган ёшлар хорижий мамлакатларнинг хар хил соҳаларида бемалол ишлаб кета оладилар. Табиийки, улар чет элларда тажриба тўплаб Ўзбекистонга қайтганларидан кейин ҳам ўзларига муносиб ишни топишлари мушкуллик туғдирмайди.

Лойиҳа муаллифлари «UZSTAFF-2025» лойиҳасининг илк қалдирғочлари 2025 йиллардан бошлаб ватанимизга қайтишни бошлашига ва ҳозирда ҳар томонлама жадал ривожланаётган давлатимизда ўша пайтда сезиларли даражада юзага кела бошлайдиган кадрларга бўлган эҳтиёжни бир қисмини минглаб «UZSTAFF-2025» лойиҳасида иштирок этиб қайтган малакали, янги тажриба ва янги ғояларга эга кадрлар тўлдиришига ишонч билдирмоқда. Лойиҳа номи ҳам айнан шу ғоядан келиб чиққан.

«UZSTAFF-2025» лойиҳасида кимлар иштирок этиши мумкин ва улар қайси давлатларнинг қандай соҳаларига ишга жойлаштирилади?

Лойиҳага саралаб олинган 18-30 ёшгача бўлган Ўзбекистон фуқаролари махсус ишлаб чиқилган режа асосида тайёргарликлардан ўтиб Араб давлатлари ва Японияда фаолият олиб бораётган йирик меҳмонхона ва ресторанларда, IT соҳасидаги компанияларда, ривожланган қишлоқ хўжалиги секторларида ва UNISTAFF агентлигининг ҳозирги ва келгуси ҳамкорларида кафолатли иш ўринлари билан таъминланади.

Лойиҳада иштирокчиларни ҳозирча Япония, Европа мамлакатлари ва Араб давлатларига ишга жойлаш режаси ишлаб чиқилган ва кейинги босқичларда Жанубий Корея, АҚШ, Канада, Австралия ва бошқа давлатларга ҳам бу лойиҳа татбиқ қилинади.

Ишонамизки, Араб давлатларида ишлаб қайтган ёшларимиз мамлакатимизда туризм ривожланишига, Японияда ишлаб қайтган ёшлар эса, IT ва оғир ҳамда енгил саноат ривожига катта ҳисса қўшади. Шу боисдан ҳам «UZSTAFF-2025» лойиҳасини илк босқичини амалга ошириш учун келажак кадрларига Араб давлатлари ва Япония меҳнат бозори танлаб олинди.

Ишга юборишни жадаллаштириш мақсадида лойиҳага Республикамиз бўйлаб 50 дан ортиқ ўқув марказларини ва бир нечта хусусий бандлик агентликларини жалб қилиш режалаштирилган.

«UZSTAFF-2025» лойиҳаси 2019 йил учун биринчи босқичида иштирок этиб Араб давлатлари (400 та номзод) ва Японияда (200 та номзод) ишламоқчи бўлган номзодларни UNISTAFF агентлиги офисларида 1 июль кунидан рўйхатга олиш бошланади ва номзодлар ёши, мутахассислигига қараб танлаб олинади.

«UZSTAFF-2025» лойиҳаси маълумотлар Сall-маркази: +998781290800

Ҳамкорлик учун телефонлар: +998732440858, +998732440800

UNISTAFF Бош офиси: Фарғона шаҳри, Сайилгоҳ кўчаси, 29 уй. «АЗИЯ УЗ» супермаркети ёнида

Наманган филиали: Наманган ш. А.Навоий кучаси, 38 уй. XORIJGA UZ

Тошкент филиали: Тошкент ш. А.Темур проспекти, 99А уй. Radisson Hotel рўпарасида

Самарқанд филиали: Самарқанд шаҳри, Фирдавсий кўчаси, СТВ рўпарасида

Расмий Телеграм канал: t.me/unistaffagency

Реклама ҳуқуқи асосида