Андижон машинасозлик институтида раҳбар ўзгарди.
Ҳуқуқий ахборот канали хабар беришича, ҳукуматнинг тегишли қарори билан Умид Мухтаралиевич Турдиалиев Андижон машинасозлик институтининг ректори этиб тайинланди.
Шу вақтгача Акмалжон Эрматов институт ректори вазифасини бажарувчи ҳисобланарди.
Маълумот учун, Умид Турдиалиев 1980 йилда туғилган. Маълумоти олий, 2005 йилда Фарғона политехника институтни тамомлаган. Техника фанлари доктори, катта илмий ходим.
2018 йилдан ТКТИ илмий ишлар ва инновациялар бўйича проректори — ЎзР ФА Умумий ва ноорганик кимё институти директори ўринбосари лавозимларида фаолият кўрсатиб келган.
