Француз метеорологлари Европага яна жазирама қайтишини маълум қилди

Фото: РИА Новости / Жюльен Маттиа

Франция метеорологлари Европада яна жазирама ҳарорат ҳукм суришини маълум қилишди.

"Европанинг катта қисми жазирамага дуч келади, янги ҳарорат рекордлари кутилмоқда. Пайшанба куни ҳарорат 40 даражадан ошиши мумкин", - деб хабар берди Meteo France метеорология хизмати.

Метеорологлар хабарига кўра, Парижда ҳарорат 42 даражага етади.

Июнь ойи охирида Францияда юқори ҳарорат кузатилган, мамлакатнинг айрим ҳудудларида термометр 40 даражадан баланд кўрсаткични қайд этганди.