Уй шароитида етиштирилаётган гиёҳвандлик воситалари бўлган экинлар тезкор вакиллар томонидан фош этилди

Тезкор профилактик тадбирлар натижасида Шайхонтоҳур туманида яшовчи 45 ёшли Б.С. хонадонининг балконида гиёҳвандлик воситалари бўлган экин тупини – ҳинд нашасини етиштираётгани маълум бўлди. 

Тошкент шаҳар ИИББ хабарига кўра, жорий йилнинг 8 август куни, тахминан соат 22:10да Б.С.нинг хонадонини текшириш жараёнида жиноят қидирув ходимлари 10 дона гул тувагида 15 туп наша ўсимлигини аниқлашди. 

Мазкур факт бўйича Ўзбекистон Республикаси Жиноят кодексининг 270-моддаси (“ Тақиқланган экинларни етиштириш”) билан жиноий иш қўзғатилди.

Шунингдек, жорий йилнинг 11 август куни тахминан соат 19:05да жиноят иши юзасидан ўтказилган тергов жараёнида Олмазор тумани ИИО ФМБ ходимлари томонидан Олмазор туманида яшовчи 49 ёшли Т.А. уйининг балконида гул тувакларда 4 туп гиёҳвандлик воситалари бўлган экин – ҳинд нашасини етиштираётгани ҳамда 1,37 грамм “марихуана” сақлаётгани аниқланди уни ҳуқуқ-тартибот органлари вакилларига топширди. 

Ушбу факт бўйича Ўзбекистон Республикаси Жиноят кодексининг 276-моддаси (“Гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар”) билан жиноят иши қўзғатилди.