Анзур Исмоилов миллий жамоадаги фаолиятини якунлади

Тошкентнинг «Локомотив» клуби ҳимоячиси Анзур Исмоилов Ўзбекистон миллий жамоасидаги фаолиятини якунлади. Бу ҳақда Tribuna.uz манбаси маълум қилди.

Анзур клубдаги ўйинларга кўпроқ эътибор бериш учун мамлакатнинг бош жамоасидаги фаолиятини якунлашга қарор қилган.

Профессионал фаолиятини Самарқанднинг «Динамо» жамоасида бошлаган Анзур Исмоилов кейинчалик «Трактор», «Пахтакор», «Бунёдкор», «Чанчун Ятай» ва «Локомотив» жамоаларида ўйнаган. 2007 йилдан буён миллий жамоада ўйнаб келаётган Анзур мамлакатнинг бош жамоаси сафида 101 ўйинда майдонга тушиб, 2та гол урган.