McDonald's мижозларни жалб қилиш мақсадида электрокарлар учун қувватлаш станцияларини очмоқда

Аввал тез овқатланиш ресторанлари мижозларни бепул Wi-Fi билан жалб қилган бўлса, эндиликда бунинг янги йўлини топиш вақти келди. McDonald's компанияси ушбу соҳада биринчи бўлиб электрокарлар учун қувватлаш станциялари тармоғини ишга туширди. Ҳайдовчи қовурилган картошка ва “Биг Мак” билан тамадди қилаётган бир вақтда унинг электрокари қувват олиб туради.

Ҳозирча бундай имконият фақат Швецияда мавжуд бўлиб, “Макдональдс” бу давлатдаги 55 та ресторанини қувватлаш станциялари билан жиҳозлади. Бироқ айтиш жоиз, ушбу хизмат пуллик бўлиб, ҳар бир дақиқа учун пул ҳисобланади. Бундай станциялар тармоғини дастлаб Швецияда, сўнгра Нидерландияда кенгайтириш режалаштирилган.