2019 йилнинг 4-10 ноябрь кунлари “ЎзРТХБ”да 1 трлн сўмлик битимлар тузилди, бу эса аввалги ҳафтадаги натижага нисбатан 12,2 фоизга кўп.
Кичик бизнес ва тадбиркорлик субъектлари иштирокида тузилган битимларнинг умумий ҳажми 28,6 фоизга ўсиб, 438,3 млрд сўмни ташкил этди.
Биржа савдоларининг ҳажми 764,2 млрд сўмдан 876,0 млрд сўмга ошди. Валюта савдо майдончаси орқали сотилган товарларнинг қиймати 2,0 млн АҚШ долларни ташкил этди.
Кўргазма-ярмарка савдоларнинг ҳафталик ҳажми 35,8 млрд сўмни ташкил этди. Кичик бизнес субъектлари томонидан амалга оширилган харидлар 13,2 млрд сўмни ёки тузилган битимларнинг 36,8 фоизини эгаллади.
Кўриб чиқилаётган давр мобайнида онлайн аукцион орқали 723 та автомобиль рақамлари сотилди. Сотилган давлат рақам белгиларининг умумий суммаси 2,9 млрд сўмни ташкил қилди. Савдолар натижасида битимларнинг 15,6 фоизи биринчи тоифадаги авторақамларга, 48,5 фоизи иккинчи ва 35,8 фоизи учинчи тоифа авторақамларга тегишлидир.
