Кениядаги кўчкилар вақтида 36 киши ҳалок бўлди

Кенияда юз берган кўчкилар оқибатида камида 36 киши, жумладан 7 бола ҳалок бўлди. Бу ҳақда Sky News нашри хабар берди.  

Кўчкилар кучли ёмғирлардан кейин юз берган.

Қурбонлардан бир нечаси Такмал қишлоғидаги кўчки вақтида, Паруа ва Тапач қишлоқларида эса 7 бола ҳалок бўлган. 

Таъкидланишича, Уганда билан чегарадош Ғарбий Покот округига 22 ноябрдаги ёмғирлардан кейин талофат етган. Бу ерда 4 та кўприк сув оқими билан ювиб кетилган, энг кўп жабрланган Муйно қишлоғига эса боришнинг иложи бўлмаяпти.