EPSILON: «Ўзбекнефтгаз» билан ҳамкорликда нефт қазиб чиқариш ҳажми оширилаётган айни пайтда газ узатиш тизими ҳам кенгайтирилмоқда

Кўкдумалоқ конидаги нефт бераётган иккита қудуқнинг кунлик дебит ҳажми 29 ноябрдаги ГРП ишларидан сўнг 9,8 дан 35 тн гача ортди.

28-29 ноябр кунлари Қоратепа, Қирқчашма ва Чўлқувар конларидаги учта қудуқда ҳам ГРП ишлари олиб борилди. Натижасига кўра, қудуқлардан газнинг саноат оқими кутилмоқда.

Газ узатиш қувурларини қуриш ишлари давом эттирилмоқда

Ўтган кунлар давомида 0,6 минг тн қувурлар (2,2 км) келтириш учун юкланди, 1,4 минг тн қувурлар (6,4 км) келтирилди, 1,4 км зовурлар кавланди, 3,5 км қувурлар қаторга пайвандланди ва 0,6 км қувурлар зовурга ётқизилди.

29 ноябр ҳолатига кўра, 22,6 минг тн қувурлар (129,6 км) келтириш учун юкланди, 15,9 минг тн қувурлар (95,0 км) келтирилди, 37,2 км зовурлар кавланди, 58,0 км қувурлар қаторга пайвандланди ва 7,5 км қувурлар зовурга ётқизилди.

Компания ишларнинг бориши ҳақида маълумот етказишда давом этади.

EPSILON компанияси Матбуот хизмати