EPSILON: «Ўзбекнефтгаз» АЖ ҳамкорлигида Қашқадарё вилоятидаги қудуқларнинг маҳсулдорлигини ошириш бўйича ишлар давом эттирилмоқда

Қазиб чиқарилаётган газни қиш даврида аҳоли эҳтиёжи учун узлуксиз равишда етказиш мақсадида углеводород хом ашёсини қазиб чиқариш кўпайтирилиб, газ узатиш инфратузилмаси кенгайтирилмоқда.

ГРП усули қўлланилганидан сўнг, 5 декабрь куни Қоратепа конидаги иккита қудуқнинг кунлик дебит ҳажми 110 минг куб.м газ ҳамда 17 тн нефтни ташкил этди.

Қоратепа-12 қудуғининг кунлик дебити 0 дан 50 минг куб.м газ ва 3 тн нефт ҳажмигача ортди.

Қоратепа-16 қудуғининг кунлик дебити 20 дан 60 минг куб.м газ ва 8 дан 14 тн нефт ҳажмигача ортди.

Юқоридаги ишлар замонавий ускуна, илғор усул ва технологияларни қўллаган ҳолда амалга оширилмоқда. Улар якунлангач, атроф-муҳитга етказилиши мумкин бўлган зарарли таъсирга йўл қўймаслик мақсадида, реагентлардан фойдаланилган ҳолда ёндош ҳудуддаги тупроқда рекультивация ўтказилади.

Газ узатиш қувурларининг учта йўналишида қурилиш ишлари давом эттирилмоқда:

• «Назарқудуқ ЙП – Шўртаннефтгаз» (67 км);
• «Тандирча ЙП – Шўртаннефтгаз» (45 км);
• «Чигил ЙП – Муборак ГҚИЗ» (110 км).

Қувур тортиш ишларининг суръати кунига ўртача 4 км ни ташкил этиб, ишлар кечаю-кундуз олиб борилмоқда.

«Назарқудуқ ЙП – Шўртаннефтгаз» йўналишидаги газ узатиш қувурлари пневматик синовларга тайёрланмоқда.

5 декабрь ҳолатига кўра жами:

• Келтириш учун юкланган қувурлар – 29,4 минг тн;
• Келтирилган қувурлар – 17,4 минг тн;
• Кавланган зовурлар – 56,2 км;
• Пайвандланган қувурлар – 67 км;
• Ётқизилган қувурлар – 12,8 км.

EPSILON компанияси Матбуот хизмати