EPSILON: «Ўзбекнефтгаз» АЖ билан ҳамкорликда Қашқадарё вилоятида тегишли ишлар олиб борилмоқда

Ишлар жараёнида эксплуатация қудуқларининг самарадорлигини ошириш, қидирув ишлари ва янги истиқболли углеводород конларини аниқлаш, уларни ўзлаштириш ҳамда қазиб чиқарилаётган хом ашё ҳажмини кўпайтиришга урғу берилмоқда. 

Шимолий Култак ва Илм конларидаги иккита қудуқда 6 декабрь куни қўлланилган ГРП усулидан сўнг, уларнинг кунлик дебити 160 минг куб.м газ ҳажмини ташкил этди.

Шимолий Култак-82 қудуғининг дебити 40 дан 100 минг куб.м газ ҳажмигача ортди.

Илм-11 қудуғининг дебити 0 дан 60 минг куб.м газ ҳажмигача ортди.

Ишлар якунлангач, атроф-муҳитга етказилиши мумкин бўлган зарарли таъсирга йўл қўймаслик мақсадида, реагентлардан фойдаланилган ҳолда ёндош ҳудуддаги тупроқда рекультивация ўтказилади.

Газ узатиш қувурларининг учта йўналишида қурилиш ишлари давом эттирилмоқда:

• «Назарқудуқ ЙП – Шўртаннефтгаз» (67 км);
• «Тандирча ЙП – Шўртаннефтгаз» (45 км);
• «Чигил ЙП – Муборак ГҚИЗ» (110 км).

Қувур тортиш ишларининг суръати кунига ўртача 4 км ни ташкил этиб, ишлар кеча-ю кундуз олиб борилмоқда.

«Назарқудуқ ЙП – Шўртаннефтгаз» йўналишидаги газ узатиш қувурлари пневматик синовларга тайёрланмоқда.

6 декабрь ҳолатига кўра жами:

• Келтириш учун юкланган қувурлар – 30,5 минг тн;
• Келтирилган қувурлар – 17,8 минг тн;
• Кавланган зовурлар – 57 км;
• Қаторга пайвандланган қувурлар – 72 км;
• Ётқизилган қувурлар – 15,5 км.

EPSILON компанияси Матбуот хизмати