«Мактабгача таълим ва тарбия тўғрисида»ги қонун тизимда коррупцияни чеклашга ёрдам беради - Вазир

«Мактабгача таълим ва тарбия тўғрисида»ги қонун қабул қилиниши мактабгача таълим тизимида коррупцияга қарши курашиш учун аниқ механизмнинг ишлаб чиқилишига ёрдам беради. Бу ҳақида Мактабгача таълим вазири Агриппина Шин вазирликнинг 2 йиллик фоалиятига бағишланган матбуот анжуманида тўхталиб ўтди. 

«Айни пайтда коррупцион ҳолатлар билан боғлиқ жуда кўплаб муаммоларимиз бор ва бу мавзу бизнинг оғриқли нуқтамиз бўлиб қолмоқда. Бу ҳақида очиқ гапириш мумкин», дея қайд этди Агриппина Шин.

Вазирнинг сўзларига кўра, мазкур қонун коррупцион ҳолатларни чеклашга ёрдам беради. Ҳужжат жиноятлар учун судланганлар ёки турли салбий сабаблар билан ишдан бўшатилган фуқароларнинг соҳада ишлаши учун қатъий тақиқларни ўрнатади. Бу эса коррупционерлар яна раҳбарлик позицияларига қайтиши ва яна талон-торож билан шуғулланишининг олдини олади.

Вазирнинг қўшимча қилишича, янги қонун биринчи навбатда давлат стандарти талабларининг мактабгача таълимга татбиқ қилинишида, педагоглар учун профессионал стандартларнинг ишлаб чиқилишида ҳам катта аҳамиятга эга.