Ўзбекистон вакили Парламентлараро иттифоқ ижроқўми раиси ўринбосари этиб тайинланди

2020 йилнинг 30 январь куни Парламентлараро иттифоқ (ПАИ) Ижроия қўмитаси бошқарув органлари янги таркибини шакллантириш доирасида Ўзбекистон Олий Мажлиси Қонунчилик палатаси спикерининг биринчи ўринбосари, академик Акмал Саидов ПАИ вице-президенти ҳамда Молия бўйича кичик қўмита аъзоси этиб ҳам тайинланди.

Ўзбекистоннинг Женева шаҳридаги БМТ бўлинмаси ва бошқа халқаро ташкилотлар ҳузуридаги доимий ваколатхонаси берган маълумотга кўра, 2019 йилнинг октябр ойида тарихда илк бор Ўзбекистондан номзод ПАИ Ижроқўми аъзоси этиб сайланган эди. Акмал Саидов номзоди ташкилотнинг барча аъзо мамлакатлари томонидан бир овоздан маъқулланди.

1889 йилда ташкил қилинган ПАИ ҳозирги пайтда 179 та давлатни бирлаштиради ва дунё парламентларининг асосий халқаро органи ҳисобланади.

Экспертлар фикрига кўра, жаҳон миқёсидаги қонун чиқарувчи органларнинг бундай нуфузли форуми фаолиятида қатнашиш 24 январь куни президент Шавкат Мирзиёевнинг Олий Мажлисга йўллаган Мурожаатномасида қўйилган вазифаларни янада самарали амалга оширишга ҳамда халқаро парламентлараро ҳамкорлик кун тартибини шакллантиришда Ўзбекистоннинг фаол иштирок этишига имкон беради, дейилади ТИВ хабарида.