Қўшимча функционаллар
-
Тунги кўриниш
Жаҳон | 23:36 / 26.02.2020
6605
1 дақиқада ўқилади
Польша президенти ўн учинчи пенсия ҳақидаги қонунни имзолади
Польша президенти Анжей Дуда 25 февраль куни ўн учинчи пенсия ҳақидаги қонунни имзолади.
Анжей Дуда / Фото: Reuters
Бу ҳақда Polskie Radio хабар берди.
Президент ўн учинчи пенсия 2020 йил учун мўлжалланган энг кам пенсия миқдорида тўланишини маълум қилди. Бу қиймат солиқлар билан бирга 1200 злотийга (280 евро) тенг.
«Польшадаги иқтисодий вазият яхши. Бош вазир билан маслаҳатлашиб, ўн учинчи пенсияни жорий қилишга келишдик. Энди у ҳар йили апрель ойида тўланади», деди президент.
Шунингдек, Анжей Дуда ўн тўртинчи пенсия ҳақидаги қонун ҳукумат томонидан қабул қилинганини ва 2021 йилдан бошлаб тўланишини эълон қилди. Президент бу қонунни имзолашга тайёр эканини айтди.
Kun.uz янгиликларини Google News'да кузатинг
+ Обуна бўлиш
