Жорий йилнинг 31 май куни Талимаржон-12 янги қудуғини бурғулаш чоғида, 3680 м чуқурликда салмоқли газ намоён бўлиши қайд этилди.
Қудуқ синовдан ўтказилгач, ундан очиқ стволдаги кунлик дебити 200 минг куб.м га тенг бўлган газнинг саноат миқёсидаги оқими олинди.
Қудуқда жумладан, Мулти-ГРП усулини қўллаган ҳолда газ қазиб олиш ҳажмини кўпайтиришга қаратилган ишлар давом эттирилади. Ишлар натижасига кўра эса қудуқ кунлик дебитининг 400 минг куб.м газ ҳажмигача кўтарилиши кутилмоқда.
Барча ишлар санитария-эпидемиология талаблари ҳамда экология мезонларига қатъий амал қилинган ҳолда олиб борилмоқда.
Қазиб олинаётган углеводородларнинг ҳаммаси аҳоли эҳтиёжи учун мамлакат ички бозорига юборилмоқда.
Epsilon Матбуот хизмати