Қўшимча функционаллар
-
Тунги кўриниш
Жаҳон | 21:28 / 24.08.2020
3632
1 дақиқада ўқилади
Берлин кинофестивалида энг яхши эркак ва аёл роли совринидан воз кечилди
2021 йилда ўтказиладиган Берлин халқаро кинофестивалида совринлар гендер тамойили бўйича тақсимланмайди.
Фото: AFP
Берлинале сайти хабарига кўра, энг яхши эркак ва энг яхши аёл роли учун бериладиган совриндан воз кечилади. Унинг ўрнига жюри бош ролнинг энг яхши ижрочиси ва иккинчи даражали ролнинг энг яхши ижрочисини аниқлайди.
Кинофестивалда жами 8та соврин бўлади. «Альфред Бауэрнинг кумуш айиғи» соврини ҳам бекор қилинади. 1987 йилдан бери топширилаётган совриндан воз кечилишига сабаб – Берлиналенинг илк директори бўлмиш Бауэрнинг нацистлар режимига эҳтимолий алоқадорлиги бўйича маълумотларнинг аниқланишида.
Кинофестиваль 11-21 февраль кунлари бошланади.