«Парк де Пренс» рингга айланди: 12 сариқ, 5 қизил, муштлашувлар ва Неймарнинг айблови

Франция чемпионатининг икки асосий клуби ўртасидаги баҳс муштлашувга айланиб кетди ва 5 футболчи майдондан четлатилди.

«ПСЖ» — «Марсель» — 0:1 (0:1)
Гол: Товен, 31.
«ПСЖ»: Рико, Флоренци (Курзава, 84), Бернат (Дагба, 84), Кимпембе, Керер, Эррера (Дракслер, 61), И.Гуйе, Сарабия, Верратти (Паредес, 71), Ди Мария, Неймар.
«Марсель»: Манданда, Альваро Гонсалес, Сакаи, Амави, Чалета-Цар, Камара, Лопес (Стротман, 68), Ронжье, П.Гуйе (Бенедетто, 58), Пайет (Жермен, 77), Товен (Радоньич, 77).
Огоҳлантиришлар: Сакаи, 7. Неймар, 11. Пайет, 11. Флоренци, 13. П.Гей, 38. Альваро Гонсалес, 50. Бернат, 52. Лопес, 61. Бенедетто, 71. Паредес, 72. Ди Мария, 74. Стротман, 90+1.
Четлатишлар: Курзава, 90+7. Паредес, 90+7. Бенедетто, 90+7. Амави, 90+7. Неймар, 90+9.
Ҳакам: Бризар.
13 сентябрь. Париж. Стадион «Парк де Пренс».

Ўн йил ғалабасиз
Францияда «ПСЖ» ва «Марсель» ўртасидаги ўйинлар ҳамиша кескин руҳда кечган. Бу жамоалар тўқнашганида уларнинг турнир жадвалидаги ўринлари унутилади, чунки асосийси — азалий душманни мағлуб этиш бўлади. «ПСЖ» Чемпионлар лигаси финалида «Бавария»га ютқазганида Марселда фанатлар пойтахтликларнинг мағлубиятини тантана қилишганди.

🇫🇷 ALERTE INFO - scène de liesse après la victoire HISTORIQUE de Marseille face au PSG qui ce sont fait soulever #PSGOM pic.twitter.com/ouHOdeD4Qf

— Mediavenir (@Meddiavenir) September 13, 2020

Лекин бу якшанба куни оқшоми Парижда рўй берган ҳодисалар билан тенглаша олмайди, шу кеча футболчилар майдонга чинакамига жанг қилиш учун тушишганди, натижада барчаси назоратдан чиқиб кетди ва француз футболидаги энг қайғули рекордлардан бири қайд этилди. Арбитр Жером Бризар футболчиларга 17 марта карточка кўрсатди, шундан 5таси қизил рангда эди.

«Парк де Пренс»даги ўйин охиридаги воқеалар эса барчасидан ўтиб тушди. 

Франциядаги бу дерби 90-йиллардан буён бор. XX аср охиридаги дербиларда устунлик «Марсель» томонида бўлган, шайхларнинг келишидан кейин эса «ПСЖ» кўпроқ ғалаба қозонишни бошлаган. «Марсель»нинг сўнгги ғалабаси 2011 йилга тўғри келарди, ўшанда Неймар ҳали «Сантос»да ўйнар, Мбаппе эса 12 ёшда эди. Аммо якшанба куни тарихда бурилиш имкони пайдо бўлганди: коронавирус «ПСЖ»нинг шусиз ҳам ЕЧЛ туфайли қисқарган мавсумолди йиғинини барбод қилди - Неймар, Мбаппе, Кейлор Навас, Паредес ва Анхель Ди Мария касалликка чалиниб, машғулотларда иштирок эта олмади.

Бу футболчиларсиз парижликлар чемпионатнинг биринчи турида дебютант «Ланс»га мағлуб бўлганди, мавсумдаги иккинчи ўйин эса «Марсель»га қарши кечди. Неймар, Навас, Паредес ва Ди Мария сафга қайтган бўлса-да пойтахтликлар клуби  Андре Виллаш-Боаш шогирдларига мағлуб бўлишди.

Ўйин давомида видеоҳакамлар икки голни бекор қилишди, 31-дақиқада Товен парижликлар ҳимоясидаги хатоларни жазолади ва бу гол ўйинда ягоналигини сақлаб қолди. «Марсель» ниҳоят 20-ўйинда «ПСЖ»ни мағлуб этди. Шу рақамларнинг ўзи ҳам шов-шувли тарзда муҳокама қилинган бўларди, агар майдон марказида бошланган муштлашувлар бўлмаганида.

🔴 Amavi
🔴 Kurzawa
🔴 Paredes
🔴 Benedetto
🔴 Neymar

FIVE players were sent off during the final moments of PSG vs. Marseille 🤯 pic.twitter.com/ypC5HKuiBH

— B/R Football (@brfootball) September 13, 2020

Паредес бошлаб берди
Одатдагидек барчаси арзимас воқеадан бошланди. Аммо бундай ўйинларда ёнғин бошланиши учун учқун чақнаши етарли бўлади. Ўйин охирида мағлубиятдан қутулиб қолишга ҳаракат қилаётган парижликлар Паредесга ишлатилган қўполликдан кейин тўпни жарима зарбасидан ўйинга киритишга шошилишди. Бу вазиятда Бенедетто вақтни чўзиш учун тўпни аргентиналик ватандошига бермади, Паредес эса ундан тўпни олишга уринди. Меҳмонлар форварди яна вақтни чўзишга қарор қилди ва майдон бўйлаб юмалай бошлади.

What an ending.... #psg #marseille 🚨5 red cards, ridiculous. #Neymar #Benedetto #Thauvin #Payet #Paredes #parismarseille #Paris #ParisSaintGermain pic.twitter.com/c6VwtLPJka

— CalcioTV (@CalcioTV1) September 13, 2020

Ҳакам бу ҳолат учун Паредесга иккинчи сариқни кўрсатишига сабаб йўқ эди. Лекин воқеа жойига майдондаги барча футболчилар тўпланди, «Марсель»нинг яна бир футболчиси майдонга ётди. Бунинг учун рақиб футболчисининг салгина тегиб қўйиши етарли эди. Шундан сўнг кенг миқёсли жанговар ҳаракатлар бошланиб кетди. Бир томонда футболчилар бир бирини урар, бошқа томонда кимдир кимнидир бўғар, яна бир томонда ҳарбий жанг санъати усуллари қўлланарди.

Неймарнинг қасоси
Ушбу зиддиятнинг энг фаол иштирокчилари — парижликлар ҳимоячиси Курзава ва марселликлар аъзоси Амави бўлишди. Ҳакам уларнинг иккисига ҳам тўғридан тўғри қизил карточка кўрсатди. Бенедетто ва Паредес иккинчи огоҳлантириш учун майдондан четлатилди. Видеоҳакамларнинг хабаридан сўнг бош ҳакам видеоёзувларни кўриб чиқиши Неймарнинг четлатилиши билан якунланди. Видеода бразилиялик футболчи рақиб футболчиси Альваро Гонсалеснинг бошига ортдан зарба бергани маълум бўлди.

Typical Neymar....trying to be sneaky but thankfully VAR caught him

pic.twitter.com/2XNOSaFb9q

— Gareth (@NIGGraha) September 13, 2020

Футболчи бу ҳаракати сабаби сифатида испаниялик футболчи томонидан ирқчилик қилинганини айтди. «Мен уни ирқчилик қилгани учун урдим», — деди Неймар захира ҳакамига майдонни тарк этаётиб. Бразилиялик футболчининг сўзларига кўра, рақиб уни «қора» деб атаган, кейинроқ Гонсалес «ПСЖ»нинг яна бир футболчисига нисбатан ирқчилик руҳидаги сўзлар ишлатгани маълум қилинди. Хусусан, Telefoot канали хабарига кўра, испаниялик футболчи ўйиннинг 50-дақиқасида огоҳлантирилганида рақибига қараб шундай деган: «Оғзингни юм, қора маймун».

"RACISM NO " - Neymar Jr !!
Quero saber qual será a posição que a Ligue 1 irá tomar diante disso...#PSGOM pic.twitter.com/xdmixjMWbh

— Memesneymar (@memesneymar) September 13, 2020

Ҳакам ҳуштаги янграганидан кейин «Марсель» бош мураббийи Андре Виллаш-Боаш ўз футболчиларини ҳимоя қилишга уринди ва Гонсалес айбдор эмаслиги ҳақида гапирди. Goal.com нашрининг хабар қилишича, португалиялик мутахассис Ди Мария марселлик футболчилардан бирига тупурганига эътибор қаратишга уринган. Шу билан бирга, Виллаш-Боаш футболда ирқчиликка ўрин йўқлигини қайд этиб ўтган. «Агар шундай бўлган бўлса, бу жиддий масала, аммо мен бундай бўлган деб ўйламайман», — дея мураббийдан иқтибос келтирган RMC Sport.

Di Maria qui crache sur un joueur marseillais en pleine période de COVID 19 dont les mesures sanitaires doivent être respectées. La sanction pour Di Maria ? Non il n’a rien eu mddr, le PSG achète les arbitres.. Ils ont pas honte sérieux ? pic.twitter.com/DL3ferfgUG

— Biggest Fan (@Forlanista) September 13, 2020

Нима бўлмасин бу можаро ҳали давом этади.

Ўйиндан кейинги фикрлар
Неймар кийим алмаштириш хонасидан туриб шундай твит ёзди: «Алам қиладигани, бу ярамас билан бирга бир қолдиришмагани».

Кейинроқ у давом этди: «Сен эркак эмассан, ўз хатоингни тан ололмайсан. Мағлубият – спортнинг бир қисми. Аммо ҳақорат ва ирқчилик-чи? Йўқ, мен бунга қаршиман. Мен сени ҳурмат қилмайман! Сенда характер йўқ! Нима деганингни тан ол… Эркак бўл! Ирқчи», — дея ёзди у твиттерида.

Лекин у жиддий дисквалификациядан қочиб қутула олмаслиги аниқ.

Гонсалес ҳам жим турмади. У қора танли жамоадошлари даврасида тушган суратини интернетга жойлади ва шундай изоҳ қолдирди: «Бу ерда ирқчиликка ўрин йўқ... баъзида мағлубиятни майдонда қабул қилиш ва бунга ўрганиш керак».

No existe lugar para el racismo. Carrera limpia y con muchos compañeros y amigos en el día a día. A veces hay que aprender a perder y asumirlo en el campo. Increibles 3 puntos hoy. Allez l’OM💙 Gracias familia⚪️Ⓜ️🙌🏼 pic.twitter.com/4DuUT1PT0x

— Álvaro González (@AlvaroGonzalez_) September 13, 2020

«ПСЖ» спорт директори Леонардо ўйиндан кейин берган интервьюсида барчаси учун ҳакам Жером Брисарни айбдор қилди: «Тушунмадим, нима учун бу даражадаги ўйинга Клеман Тюрпен ёки Руди Букени тайинлашган. Бу арбитрда муҳим ўйинларда ҳакамлик қилиш тажрибаси йўқ, у Европа Лигасида фақат бир ўйинни бошқарган».

Дарвоқе, Брисарнинг Европа Лигасида ишлаган ўйини ўтган мавсумда «Хетафе» ва «Базель» ўртасида кечган, ўша ўйинда футболчиларга 11 сариқ ва 1 қизил карточка кўрсатилган.

• Якун: 12 сариқ ва 5 қизил. Лига 1 учун XXI асрда қўполликлар бўйича рекорд.
• «ПСЖ» тарихида иккинчи марта мавсумни қаторасига икки мағлубият билан бошлади, икки ўйинда битта ҳам гол урилмади. Охирги марта бундай ёмон старт 1978/79 йилги мавсумда кузатилганди.
• «ПСЖ»нинг сўнгги голи ЕЧЛ яримфиналида «Лейпциг» дарвозасига урилганди. Ўшандан буён парижликлар майдонда 270 дақиқани голсиз ўтказишмоқда.