Нидерландияда метро поезди ҳалокатдан сўнг кит ҳайкалининг думи устида туриб қолди

Роттердам шаҳри яқинида метро машинисти бошқарувни йўқотиши оқибатида поезд изидан чиқиб кетди ва каналга қурилган кит ҳайкалининг думи устида туриб қолди. Бу ҳақда Dutch News хабар бермоқда.

Воқеа Спейкениссе шаҳридаги De Akkers станциясида содир бўлган. Поездда фақат машинистнинг ўзи бўлгани айтилмоқда. Унга ҳеч қандай шикаст етмаган.

Эндиликда темир йўл компания-оператори поездни хавфсиз тарзда ҳайкал устидан олиш бўйича операцияга тайёрланмоқда.

"Кит думлари" – ҳайкалтарош Мартен Стрейснинг полиэстердан тайёрлаган ижод маҳсули ҳисобланади. Ҳайкал 2002 йилда ўрнатилган.