Kun.uz профессионал кадрларни ишга таклиф қилади. Маош 5–7 млн сўмдан бошланади

Талабгорлар қуйидаги бўлимлардан бирига ўз номзодларини таклиф қилишлари мумкин:

1. Жамият (Ижтимоий соҳаларга доир тезкор хабарлар, таҳлилий мақолалар ва суриштирувлар ўтказишни қамраб олади);

2. Иқтисодиёт (иқтисодиёт, молия, солиқ, банк ва савдо соҳаларидаги ўзгариш ва янгиликларни таҳлил қилиш);

3. Рус таҳририяти (Ўзбекистон ва хориж янгиликларини рус тилида ёритиб бориш);

4. Ўзбек таҳририятида муҳаррирлик (таҳрир, материалларни сайтда эълон қилиш учун якуний кўринишга келтириш).

Жамият ва иқтисодиёт бўлимларига журналист кадрлардан ташқари муайян ижтимоий-иқтисодий соҳалардаги экспертлар ҳам ишга қабул қилинади.

Номзодларга қуйидаги бирламчи талаблар қўйилади:

• журналист ва муҳаррирлар учун – журналистика ва электрон ОАВ соҳасида камида 2 йиллик муваффақиятли иш тажрибаси;
• экспертлар учун – ўз соҳасидаги замонавий тенденциялардан хабардорлик, ижтимоий-сиёсий жараёнларга объектив баҳо бериш, ўз фикрларини равон ифодалай олиш;
• сайтнинг Тошкент шаҳридаги бош офисида тўлиқ иш вақти режимида ишлаш;
• компьютер ва интернетда энг бирламчи дастурлардан фойдалана билиш, матнларни тез ва бехато териш;
• ўзбек ёки рус тилларида саводхонлик (бошқа хорижий тилларни билиш қўшимча устунлик беради).

Kun.uz нималарни таклиф қилади?

• соҳада рақобатбардош маош – дастлабки босқичда 5–7 млн сўм (аниқ сумма номзоднинг салоҳиятига ва зиммасига олувчи иш ҳажмига қараб бундан ҳам кўпроқ бўлиши мумкин);
• пойтахт марказида журналистик фаолият учун барча шароитларга эга офис;
• кунига икки маҳал бепул иссиқ овқат;
• ишга доир харажатларнинг мунтазам равишда қоплаб берилиши.

Таклифимизга қизиқиш билдирганлардан қуйидаги линк орқали ўтиб, сўровномани тўлдиришларини сўраймиз:

Эслатма: Саралаб олинган номзодлар таҳририятга бевосита суҳбатга таклиф этилади. Сўровномани тўлдирганларга ёзма жавоб берилмайди, суҳбатга ва ишга қабул қилмаслик сабаблари тушунтирилмайди.