Қўшимча функционаллар
-
Тунги кўриниш
Тошкентда 8 ёшли бола машинада супермаркетга кириб кетди (видео)
7 январ куни Тошкентда 8 ёшли бола Lacetti автомобилида Мирзо Улуғбек тумани Қорасу-6 даҳасида жойлашган Макро супермаркетига кириб кетди.
Интернетда тарқалган видеода кўриш мумкинки, автомашина дўкон ойналарини синдириб, ичкаригача кириб борган, супермаркет биносига жиддий зарар етган.
ИИВ Йўл ҳаракати хавфсизлиги бош бошқармаси маълумотига кўра, боланинг отаси 1983 йилда туғилган Ж.Ш. соат 13:50 ларда Макро яқинида тўхтаб, ўт олдиргич калит ва фарзандини қаровсиз қолдириб, супермаркетга кирган.
Машинада ўтирган бола ўт олдиргич калитни бураб юборган ва автомобил ҳаракатланиб кетган. Натижада автомобил супермаркет ойнасини синдириб, ичкарига кириб тўхтаган. Ҳодиса оқибатида жароҳат олганлар йўқлиги айтилган.
Мазкур ҳодиса юзасидан Тошкент шаҳар ИИББ ЙҲХБ томонидан суриштирув ишлари олиб борилмоқда.
