Роспотребнадзор Россиянинг коронавирусга қарши иккинчи вакцинасини 100 фоиз самарали деб эълон қилди

Таъкидланишича, «ЭпиВакКорона» шаклланган иммунитетни кучайтиришга ёрдам беради. Шу билан бирга, «бир дозанинг киритилиши кучи ва давомийлиги бўйича мақбул иммун жавобини ҳосил қилмайди».

Фото: ТАСС

Клиник синовларнинг биринчи ва иккинчи босқичи натижаларига кўра Россиянинг коронавирусга қарши «ЭпиВакКорона» вакцинасининг самаралилиги юз фоизни ташкил этди. Бу ҳақда Роспотребнадзор матбуот хизматига таяниб ТАСС хабар берди.

Қайд этилишича, «ЭпиВакКорона» вакцинаси билан икки марта эмлаш кўзда тутилган. Аммо коронавирусга чалиниб соғайганлар бир марта эмланиши мумкин.

«ЭпиВакКорона» Новосибирскдаги «Вектор» илмий марказида ишлаб чиқилган. У ўтган йилнинг октябрида рўйхатдан ўтказилганди.

Тайёрлаган Дилшод Аскаров

#Вакцина #ЭпиВакКорона

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.