Amazon Ҳитлернинг мўйловини эслатгани учун танқид қилинган логотипини ўзгартирди

Дунёдаги энг йирик компаниялардан бири Amazon мобил иловаларга ўрнатилган логотипини ўзгартирди. Бир ой аввал интернет дўкон мобил иловалар учун янги логотип ўрнатганди. Ўша логода компаниянинг рамзи бўлган йўналишли чизиқ устида тишли қистиргич билан тасвирланганди.

Amazon мобил иловалардаги логотипини ўзгартиргач, кўпчилик янги логони немис фюрери миллатчи Адольф Ҳитлернинг мўйловига ўхшатди. Ижтимоий тармоқларда кўпчилик бу ҳақда ёза бошлади: кимдир ҳазил қилган бўлса, кимдир Amazon'ни очиқчасига танқид қилди. Оқибатда Amazon мобил иловалар учун логотипини яна ўзгартирди.

Турган гапки компания логотипни ўзгартирганига сабаб қилиб Ҳитлернинг мўйловини келтирмади. «Янги логотип харидорларга яхши кайфият бағишлайди ва смартфон орқали харидлардан завқланишга ундайди», деб изоҳ берилган The Verge томонидан бу ўзгаришга.