Жорий йилнинг 3 март куни Тошкент вилояти ИИББ Жиноят қидирув бошқармаси Гиёҳвандлик воситаларига қарши курашиш бўлими ва Бекобод шаҳар ИИБ Жиноят қидирув бўлими ходимлари билан ҳамкорликда навбатдаги «назорат рейд тадбири» ўтказилди.
Вилоят ИИББ ахборот хизмати хабарига кўра, тезкор тадбир давомида Тошкент шаҳрида яшовчи, 1974 йилда туғилган И.Л. таниши В.Ш.дан Тожикистондан айланма йўллар орқали яширин тарзда олиб ўтилган 1 килограмм «гашиш» гиёҳвандлик воситасини олаётган вақтида вилоят ИИББ тезкор ходимлари томонидан Миробод туманида ушланган.
Мазкур ҳолат юзасидан Бекобод шаҳар ИИБ ҳузуридаги Тергов бўлими томонидан Жиноят кодексининг 273-моддаси 5-қисми билан жиноят иши қўзғатилди.
