ОАВ Байден Путин ва Си Цзиньпинни музокараларга таклиф қилганини маълум қилди
АҚШ президенти Жо Байден россиялик ва хитойлик ҳамкасблари Владимир Путин ва Си Цзиньпинни иқлим бўйича музокараларга таклиф қилди. Бу ҳақда расмий шахсларга таяниб Associated Press ахборот агентлиги хабар берди.
Учрашув тафсилотлари маълум қилинмаган. Оқ уйда эса ушбу ахборот ҳозирча тасдиқланмади.
Таъкидланишича, гап Байден маъмурияти томонидан иқлим бўйича ташкиллаштириладиган илк музокаралар ҳақида бормоқда.
АҚШ иқлим ўзгаришига қарши кураш масалаларига бағишланган халқаро саммитни 22-23 апрелда ўтказмоқчи. Таъкидланишича, тадбирга иқлим ўзгаришидан энг кўп жабр кўрган 40дан кўпроқ давлат етакчилари келиши кутилмоқда.
Аввалроқ Россия президенти Владимир Путин америкалик ҳамкасбига онлайн режимда музокаралар ўтказишни таклиф қилганди. Бироқ Оқ уйда Путиннинг таклифига АҚШ президенти бандлиги ва у бундай музокараларни қачон ўтказа олишини билмасликлари билан жавоб қилинган. Кейинроқ Байденнинг ўзи “мавриди келганда” Путин билан албатта музокаралар ўтказишини айтган.
Мавзуга оид
20:30 / 22.10.2024
Россияда BRICS саммити бошланди – унинг иштирокчилари, мақсади ва режалари ҳақида
11:50 / 22.10.2024
Путин Яқин Шарқдаги вазиятни «жуда мураккаб» деб атади
21:00 / 21.10.2024
Путин BRICS саммитида «долларни енгиш режасини» тақдим этмоқчи – ОАВ
13:20 / 21.10.2024