Қайд этилишича, вакцина 12-17 ёшли болаларда ҳам худди катталардаги каби антитаналар жавобини ҳосил қилган.
Европа дори воситалари агентлиги (ЕМА) Moderna компаниясининг 12-17 ёшлилар учун мўлжалланган вакцинасидан (номи Spikevax деб ўзгартирилган) фойдаланишга рухсат берди. Бу ҳақда агентлик сайтида айтилмоқда.
Қайд этилишича, вакцина 12-17 ёшли болаларда ҳам худди катталардаги каби антитаналар жавобини ҳосил қилган.
Бундан ташқари, вакцина олган 2 163 нафар боланинг ҳеч бирида COVID-19 ривожланмаган.
«Ушбу натижалар Spikevax 12-17 ёшли болалар учун ҳам бирдек самарали деган хулосага келиш имконини беради», — дейилади агентлик хабарида.