Мянмада мухолифатчилар озодликда, Чилида намойишлар, Россия ва Украина «қизармоқда». Кун суратлари

Чилида 2019 йили жамоат транспорти учун нархлар ошишига жавобан бошланган намойишлар яна авж паллага кирди. Намойишчилар ижтимоий ва иқтисодий тенгсизликни қисқартириш бўйича чоралар кўрилишини талаб этишмоқда.

Чили пойтахти Сантьягода талабалар мамлакат тарихидаги энг йирик намойишлар икки йиллигини (намойишлар чоғида 30 киши ҳалок бўлганди) нишонлаш учун кўчаларга чиқиб, тартибсизликлар уюштиришмоқда.

Полиция водомётлар ва кўздан ёш сиздирувчи газ қўллаган, намойишчилар бунга жавобан баррикадалар, чиқинди қутилари ва жамоат транспорти бекатларига ўт қўйишган, кўчаларни ёритиш тизими ва электр таъминоти тизимига зарар етказишган. Кўплаб чилиликлар йирик бизнесни ривожлантиришга эътибор қаратган Себастьян Пиньеранинг бошқарувидан норози.

Мамлакат аҳолисининг атиги 1 фоизи мамлакат миллий бойлигининг учдан бир қисмига эгалик қилади, пенсионерлар ойига 200 доллар миқдорида пенсия олишади.

Мьянмада амнистия

Душанба куни Мянмадаги хунта раҳбари генерал Мин Аунг Ҳлаинг бошқарувдаги ҳарбийлар тинчлик ва демократия тарафдори эканини маълум қилди.

Генералнинг бу баёноти АСЕАН ташкилоти хунта вакилларини октябрь ойи охирида бўлиб ўтадиган навбатдаги саммитга чақирмасликка қарор қилишди, лекин уларнинг ўрнига мухолифат вакиллари таклиф этилган.

Мин Аунг Ҳлаингнинг баёнотидан кейин давлат телевидениесида давлат тўнтаришига қарши намойишларда иштирок этгани учун ҳибсга олинган 5636 кишига амнистия эълон қилингани ва улар озодликка чиқарилиши маълум қилинди. 19 октябрь куни улар ўз оилалари бағрига қайтишди.

Фаоллар ва БМТ маълумотларига кўра, шу йил февралидаги давлат тўнтаришидан кейин хавфсизлик кучлари билан тўқнашувларда 1100дан ортиқ киши ҳалок бўлган. Сиёсий маҳбусларга ёрдам ассоциациясининг маълум қилишича, мамлакатда 7300дан ортиқ киши намойишлардаги иштироки учун қамоққа олинган.

Июль ойида Мянма ҳукумати 2000дан ортиқ мухолифатчиларни, шу жумладан ҳарбий ҳукуматни танқид қилган журналистларни қамоқдан чиқарганди.

Коронавирус

Украинага Covid-19нинг учинчи тўлқини ёпирилган, бу касалликдан ўлим даражаси пандемиянинг аввалги пик даври билан таққослаганда икки баробар ошган. Шифокорлар ва соғлиқни сақлаш вазирлиги одамларни вакцина қабул қилишга чақирмоқда, мамлакатнинг бир қатор ҳудудларида шифохоналарда бўш жой қолмаган, айрим ҳолатларда жонлантириш бўлимлари учун навбатлар юзага келган.

Россияда кетма-кет антирекордлар қайд этилмоқда, кунига ўртача 32-33 минг янги бемор аниқланмоқда ва мингдан ортиқ бемор вафот этмоқда. Коронавирус билан боғлиқ вазият кескинлашиши сабабли 30 октябрдан 7 ноябргача ишланмайдиган кунлар деб эълон қилиниши кутилмоқда.