Кимошди савдосида Ван Гогнинг учта асари 154 млн долларга сотилди

Фото: Forbes Staff

Голланд рассоми Винсент Ван Гог 1888 йилда чизган «Буғдой ғарами» пейзажи Christie's аукционида 35,8 млн долларга сотилди.

Рассомнинг вафотидан сўнг сурат унинг укаси Тео ихтиёрига ўтган. 1913 йилда суратни Германияда яшаган яҳудий саноатчиси Макс Мейровский сотиб олган. У кейинчалик суратни сотиб, мамлакатни тарк этган.

1940 йилда нацистлар Парижга бостириб кирган вақтда сурат Францияда яшаган банкир Александрин де Ротшилд коллекциясида бўлган. Урушнинг илк йилида де Ротшилд Швейцарияга қочиб кетган. Нацистлар унинг коллекциясини мусодара қилган.

1978 йилда «Буғдой ғарами»ни техаслик нефт магнати Эдвард Лохриж Кокс сотиб олган.

Christie's аукционида Ван Гогнинг яна икки асари 46,7 млн ва 71,4 млн долларга сотилди. Унинг учта асари қиймати қарийб 154 млн долларни ташкил этди.

#Ван Гог