Коронавирусга қарши янги авлод маҳаллий вакциналар яратилади 

Қайд этилишича, биотехнологик йўл билан коронавирус инфекциясига қарши янги авлод маҳаллий вакциналарни яратиш технологияларини ишлаб чиқиш ва клиник олди синовларини ўтказиш ва оммавий ишлаб чиқаришни йўлга қўйиш мўлжалланган.

Пандемия ва шу каби офатлар билан боғлиқ жараёнларнинг барвақт олдини олиш тизимини яратиш ҳам кўзда тутилмоқда.

Бунда, вазиятни ҳар томонлама чуқур таҳлил қилиб, бўлажак хавф-хатарлар, улар билан боғлиқ муаммоларни олдиндан прогноз қилиш, уларнинг ечимига аниқ режа ва чоралар билан тайёр туриш тизими яратилади.

Шунингдек, касалликларни енгиш учун хорижий давлатлар ва халқаро ташкилотлар билан ўзаро ҳамкорлик кучайтирилади. 

Беморларни даволаш бўйича телемедицина орқали олиб бораётган мулоқотларни кенгайтириш, халқаро тажрибалар ва тавсияларни фаол жорий этиш назарда тутилган.

Коронавирус қайтадан тарқалишининг олдини олиш ҳамда унинг иқтисодиёт ва инсонлар ҳаётига салбий таъсирини имкон қадар чеклаш ишлари ҳам амалга оширилади.

Аҳолининг энг муҳим ҳаётий эҳтиёжларини таъминлаш, нарх-навонинг ошиб кетмаслигига эришиш ва кам таъминланган оилаларни қўллаб-қувватлаш борасидаги ишларни давом эттириш режалаштирилган.