Корея-ўзбек тўқимачилик технопарки «Ўзтўқимачиликсаноат» бошқарувига ўтказилади

Президентнинг “Корея-ўзбек ўқув-амалий тўқимачилик технопаркининг самарали фаолиятини ташкил этиш тўғрисида”ги қарори лойиҳаси эълон қилинди.

Инвестициялар ва ташқи савдо вазирлиги ҳамда “Ўзтўқимачиликсаноат” уюшмасининг технопаркни “Ўзтўқимачиликсаноат” уюшмасининг оператив бошқарувига ўтказиш тўғрисидаги таклифи маъқулланади.

Технопарк ташкилий-ҳуқуқий шаклидан қатъи назар, технопаркка ва унинг резидент-корхоналарига (хусусан, технопаркнинг экстратерриториаллиги принципини ҳисобга олган ҳолда) “Махсус иқтисодий зоналар тўғрисида”ги қонунга мувофиқ Ўзбекистонда махсус иқтисодий зоналар учун белгиланган имтиёзлар ва преференциялардан эгалик қилиш, улардан фойдаланиш ҳуқуқини берувчи махсус иқтисодий зона мақоми берилади.

“Ўзтўқимачиликсаноат” уюшмаси корея-ўзбек ўқув-амалий тўқимачилик технопарки тўғрисидаги низомни ишлаб чиқади Вазирлар Маҳкамасига тасдиқлаш учун киритади, корея-ўзбек ўқув-амалий тўқимачилик технопарки уставини ишлаб чиқади ва белгиланган тартибда давлат рўйхатидан ўтказилишини таъминлайди.