Тошкентнинг Алишер Навоий ва Лабзак кўчаси вақтинчалик ёпилади

19 март соат 21:00 дан 20 март соат 06:00 гача йўл таъмирлаш ишлари олиб борилиши сабабли Алишер Навоий шоҳкўчаси ва Лабзак кўчаси қисман ёпилади. Бу ҳақда Тошкент шаҳри ҳокимлиги маълум қилди.

• Навоий шоҳкўчаси Абай кўчаси чорраҳасидан Шароф Рашидов шоҳкўчаси чорраҳасигача;
• Лабзак кўчаси Алишер Навоий шоҳкўчаси билан кесишмасидан Абдулла Қодирий кўчаси билан кесишмасигача.

Йўл таъмирлаш жараёнида ҳайдовчилар айланма йўллардан фойдаланишлари мумкин.