V Ислом бирдамлиги ўйинлари ғолиблари 5 минг долларгача мукофотланади

“Конья шаҳрида (Туркия) бўлиб ўтган V Ислом бирдамлиги ўйинларида ғолиб ва совриндор бўлган спортчилар ҳамда улар тренерларини бир марталик пул мукофотлари билан рағбатлантириш тўғрисида“ги президент қарори қабул қилинди.
 
V Ислом бирдамлиги ўйинларида ғолиб ва совриндор бўлган спортчилар:

• олтин медаль учун – 5 минг доллар;
• кумуш медаль учун – 3 минг доллар;
• бронза медаль учун – 2 минг доллар;

Спортчиларни тайёрлаган тренерлар:

• олтин медаль учун – 2,5 минг доллар;
• кумуш медаль учун – 1,5 минг доллар;
• бронза медаль учун – 1 минг доллар миқдорида ҳар бир медаль учун бир марталик маблағлар билан мукофотланади.

Маълумот учун, Ислом бирдамлиги ўйинларида Ўзбекистон 158 та медаль билан умумжамоа ҳисобида 2-ўринни эгаллади.