Ўзбекистон Қозоғистондан сотиб олаётган озиқ-овқат маҳсулотлари айтилди

Ўзбекистонга 2022 йилнинг январь-сентябрь ойларида Қозоғистондан импорт қилинган айрим турдаги озиқ-овқат маҳсулотлари ҳажмида буғдой етакчилик қиляпти – 1,8 млн тонна.

Давлат статистика қўмитаси маълумотларига кўра, кейинги ўринлардан мос равишда 280 минг тонна ҳамда 73 минг тонна импорт қилинган буғдой уни ва арпа жой олди.

Ушбу кўрсаткич қолган маҳсулотлар кесимида қуйидагича кўринишга эга бўлди:

• ўсимлик ёғи – 65 минг тонна;
• картошка – 49,6 минг тонна;
• маргарин маҳсулотлари – 37 минг тонна;
• маккажўхори – 33,7 минг тонна;
• қорамол гўшти – 13,1 минг тонна;
• сут маҳсулотлари – 3,7 минг тонна;
• қандолат маҳсулотлари – 1,9 минг тонна;
• какао ва шоколад – 1,2 минг тонна.