Қўшимча функционаллар
-
Тунги кўриниш
Михаил Саакашвили очлик эълон қилиб, бир неча соатдан кейин уни тўхтатди
Грузиянинг собиқ президенти суд билан видеомулоқот йўқлигидан норози бўлган эди.
Фото: AP
Грузиянинг собиқ президенти, расмий ваколатларини суиистеъмол қилиш ва ғаразли ишлатишда айбланиб, олти йиллик қамоқ жазосига ҳукм этилган Михаил Саакашвили очлик эълон қилиб, бир неча соатдан кейин уни тўхтатди.
Бу ҳақда Саакашвилининг адвокати орқали йўллаган мактубида айтилади. Аввалроқ собиқ президент ўз адвокати орқали Тбилиси шаҳар суди билан видеомулоқот йўқлигига норозилик сифатида очлик эълон қилишини маълум этганди.
«Очлик эълон қилишимни тўхтатишимнинг сабабларидан бири бу танқидчиларга атайлаб соғлиғимга зарар етказаётганим ҳақида гапиришга имкон бермасликдир. Иккинчи ва асосий сабаб шуки, европалик парламентарийлар мени очлик эълон қилишдан воз кечишга ундади ва ҳуқуқларимни ҳимоя қилиш учун доимий мониторинг олиб боришга ваъда берди», деб ёзди Михаил Саакашвили.
14 декабр куни унинг адвокати Шалва Хачапуридзе мижозининг очлик эълон қилгани ҳақида хабар берган эди. Саакашвили «ўз судида иштирок этиши учун қатъий кафолат олмагунча» очликни тўхтатмаслигини айтди.
Ҳозирда собиқ президент Vivamedi элита клиникасида турли эндокринологик ва руҳий касалликлардан даволанмоқда. Сўнгги пайтларда у 120 килограммдан 73 килограммгача вазн йўқотди.
Мавзуга оид
23:10 / 26.10.2024
Грузияда парламент сайловлари якунланди. Ҳукмрон партия ва мухолифат ўз ғалабасини эълон қилди
21:11 / 21.10.2024
«ГРУ» ва «ФСБ» ҳакерлари Грузия ҳукумати ҳамда компанияларини кузатиб келган — Bloomberg
22:42 / 07.10.2024
Грузия парламенти президентнинг импичментини қайта бошлайди
11:45 / 06.10.2024