Қўшимча функционаллар
-
Тунги кўриниш
Испания Украинага Leopard танклари етказиб беришни режалаштирмоқда
Испания Leopard 2А4’ни Украинага биринчилардан бўлиб етказиб беришни режалаштирмоқда - унинг таркибига тикланган тўртта-олтита танк киради, деб ёзади Испаниянинг El País газетаси Мадриддаги ҳукумат манбаларига таяниб.
Фото: Wikipedia
Нашрнинг таъкидлашича, якуний кўрсаткич Сарагосадаги 41-логистика қўллаб-қувватлаш гуруҳида ўн йил давомида сақланган 53 та танкнинг ҳолатига боғлиқ.
Қайд этилишича, Испания Мудофаа вазирлиги уларни зудлик билан қайта тиклаш бўйича ҳарбий саноат билан музокаралар олиб бормоқда, шунингдек, бошқа мамлакатларнинг ҳиссаси бўйича қарорларни кутмоқда.
Аввалроқ Испания Европа даражасидаги дастлабки келишувга кўра Киевга Leopard танкларини етказиб бериш жараёнига қўшилиши хабар берганди.
El País газетаси маълумотларига кўра, Мадрид арсеналида 347 та Leopard танки мавжуд.
Бундан олдин Нидерландия Украинага 18 та Leopard 2 танкини бериш имкониятини кўриб чиқаётгани хабар берилганди.
Нидерландия бунинг учун Германиядан ижарага олинган жанговар машиналарни сотиб олишга тайёр. Бу ҳақда бош вазир Марк Рютте Frankfurter Allgemeine Zeitung газетасига берган интервьюсида маълум қилди.
Россия-Украина уруши
Мавзуга оид
07:31 / 30.07.2024
Германия Украинага яна саккизта Leopard танкини топширди
14:24 / 16.07.2024
Испания яна 10 та Leopard 2А4 танкини Украинага топширди
10:20 / 14.06.2024
Ўзбекистон ва Испаниянинг хусусий юк ташувчи авиакомпаниялари ўртасида ҳамкорлик йўлга қўйилди
14:21 / 31.05.2024