Шарқшунослик университетида «9 декабр – Халқаро коррупцияга қараши курашиш куни»га бағишланган тадбир ўтказилди

20 ноябр куни Тошкент давлат шарқшунослик университетида «9 декабр – Халқаро коррупцияга қарши курашиш куни»га бағишлаб университет фаолиятининг очиқликни таъминлаш, коррупциявий хавф-хатарларнинг олдини олиш, уларни бартараф этиш каби масалаларга бағишланган «Очиқ эшиклар куни» тадбири ўтказилди.

Тадбир коррупциявий хавфларнинг олдини олиш ҳамда коррупцияга қарши курашиш соҳасида фуқаролик жамияти институтлари билан ўзаро ҳамкорлик алоқаларини ривожлантириш, университет фаолиятининг очиқлигини таъминлаш ҳамда жамоатчилик олдида ҳисобдорлигини ошириш мақсадида ташкил этилди.

Унда профессор-ўқитувчилар, талабалар ва уларнинг ота-оналари, ОАВ вакиллари иштирок этди. Тадбирда университети ректори Гулчехра Рихсиева, ёшлар масалалари ва маънавий-маърифий ишлар бўйича биринчи проректор Қудратилла Омонов ҳамда коррупцияга қарши курашиш «Комплаeнс назорат» тизимини бошқариш бўлими бошлиғи Алишер Назаров маъруза билан қатнашди.