Қозоғистонда Тўқаев зарбасидан сўнг урилган гол видеоси монтаж қилинди 

Қозоғистон президенти Қосим-Жўмарт Тўқаев Ақтўбе вилоятининг Саржансой қишлоғидаги спорт мажмуасига ташриф буюрди. 

Ташриф чоғида у тўпга рамзий зарба бериб, гол урди. Шу ҳақдаги видео президентнинг расмий телеграм каналида эълон қилинди. 

Эътибор берилса, зарбадан олдин тўп бир рангда, зарбадан кейин дарвозага кириб кетганида бошқа рангда экани ойдинлашади. 

Аввалроқ, Тўқаевнинг расмий фотосуратлари ажинларни текислаш ва бақбақасини яшириш учун фотошопда қайта ишланиши ҳақида хабар тарқалган эди.