Чехия ташқи ишлар вазири Ян Липавский Европа Иттифоқининг навбатдаги санкциялари Путинга яқин шахс - Виктор Медведчук, Voice of Europe нашри ва унинг ходими Артем Марчевскийга таъсир қилишини таъминлашга ҳаракат қилмоқда. Бу ҳақда вазир 3 апрел, чоршанба куни Брюсселга ташрифи чоғида журналистларга маълум қилди.
Чехия ҳудудида чеклов чоралари киритилгандан сўнг, Прага миллий қонунчиликка кўра, Европа Иттифоқи даражасида шунга ўхшаш таклифни киритиши шарт. «Бизнинг қонунимизда Европа даражасида санкциялар таклиф қилишимиз кераклиги айтилган. Демак, дипломатларимиз ҳозир айнан шундай қиляпти. Ва бу таклифимизга қандай муносабатда бўлиши фақат Брюссел институтларига боғлиқ», - дея қўшимча қилди Липавский.
Чехия Ташқи ишлар вазирлиги санкциялар таклифи бўлган досега Медведчук ва Ко.нинг фаолиятига оид далилларни киритган. «Бу жиноий жараён эмас, балки одатда оммавий ахборотга асосланган профилактика чорадир. Лекин, албатта, бу ҳолатда махсус идораларнинг биз ишонадиган маълумотлари ҳам бор, шунинг учун у Брюссел институтлари ва ЕИга тақдим этилади. Бироқ, бу оммавий ахборот эмас», - дея таъкидлади Липавский ва ОАВ вакилларига мавжуд далилларни ошкор этишдан бош тортди.
Аммо, агар санкция остидаги шахслар апелляция беришга қарор қилса, далиллар судга стандарт тартиб доирасида тақдим этилади, деди вазир.
Чехия санкциялар рўйхатини кенгайтиришга тайёрланмоқда
Расмий Прагага кўра, Медведчук «Украинанинг ҳудудий яхлитлиги, суверенитети ва эркинлигини бузиш» мақсадида «РФдан Чехия Республикасида Россия таъсирини бошқариши» айтилган. Медведчук ўзининг «операцияларини» ўтказиш учун Артем Марчевский ишлайдиган Voice of Europe янгиликлар порталидан фойдаланади. Чехия ҳукумати сайти хабарига кўра, Марчевский ва портал ҳам Чехия санкциялари рўйхатига киритилган.
Ушбу ишнинг бир қисми сифатида Чехия Ташқи ишлар вазирлиги миллий ҳукуматга рўйхатга киритиш учун бир қатор янги номзодларни таклиф қилмоқда, аммо ҳозирги босқичда улар номини очиқлашдан бош тортди. «Аниқлик киритмоқчиманки, биз бу одамлар тармоғига бошқа қайси давлатлар алоқадорлигини айтмаяпмиз ва ҳеч қандай исм-шарифни ошкор қилмаяпмиз. ОАВда кўп миш-мишлар бор, лекин бу ҳақда расман айтилмаган», - деди Ян Липавский.
Унинг таъкидлашича, Чехия ушбу мавзу бўйича тарғибот тармоғининг иши таъсир кўрсатган ЕИ бошқа давлатлари билан яқиндан мулоқот қилмоқда, аммо «бу давлатлар ўзи ҳаракати қандай бўлишини ва бу ҳақда қандай хабар беришини ҳал қилиши керак».
