Қўшимча функционаллар
-
Тунги кўриниш
Россияда режиссёр ва драматург бўлган икки аёл «террорчилар» реестрига киритилди
Росфинмониторинг рўйхатига 15 апрел куни «Финист сарлочин» пьесаси муаллифларидан ташқари, Украина Қуролли кучлари томонида жанг қилаётган Россиядан келган кўнгиллилар бўлинмаси - «Россия кўнгиллилар корпуси» ҳам киритилди.
Ўзлари саҳналаштирган спектакл учун терроризмни оқлаганликда айбланаётган режиссёр Евгения Беркович ва драматург Светлана Петрийчук террорчи ва экстремистлар рўйхатига киритилди. Бу ҳақдаги хабар 15 март, душанба куни Росфинмониторинг сайтида пайдо бўлди.
Энди Россия банкларидан Петрийчук ва Берковичнинг барча маблағларини музлатиш, шунингдек, уларнинг ҳисобларига хизмат кўрсатишни тўхтатиши талаб қилинади.
Росфинмониторинг рўйхатига 15 апрел куни «Финист сарлочин» спектакли муаллифларидан ташқари, Украина Қуролли кучлари томонида жанг қилаётган Россиядан келган кўнгиллилар бўлинмаси - «Россия кўнгиллилар корпуси» ҳам киритилди.
Светлана Петрийчук ва Женя Берковичга қарши иш
Женя Беркович ва Светлана Петрийчукка нисбатан «терроризмни оқлаш» бўйича жиноий иш қўзғатилишига ИШИД радикалларига турмушга чиқиш учун Россиядан Сурияга кетган аёллар ҳақида ҳикоя қилувчи «Финист сарлочин» спектакли сабаб бўлган.
Пьеса 2021 йилда «Дочери СОСО» театрида саҳналаштирилган ва 2022 йилда иккита «Олтин ниқоб» нуфузли театр мукофотига сазовор бўлган. 2023 йил май ойида Беркович ва Петрийчук ҳибсга олинди. Муаллифлар айбловларни рад этяпти. Таниқли маданият намояндалари сўзга чиқиб, уларни қўллаб-қувватлади. Ҳуқуқ ҳимоячилари Беркович ва Петрийчукнинг таъқиб қилинишини сиёсий сабабга эга деб ҳисобламоқда.
