Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 15:00 / 06.05.2024
    13363
    4 дақиқада ўқилади

    Бразилия жанубида даҳшатли сув тошқинлари — фотосуратлар

    Камида 78 киши ҳалок бўлган, ўнлаб кишилар бедарак йўқолган, ўн минглаб кишилар ўз уйларини тарк этишга мажбур бўлган.

    Бразилия жанубида кучли ёмғирлар сўнгги 80 йилликдаги энг кучли сув тошқинларига сабаб бўлди. Табиий офатдан энг кўп зарар кўрган Риу-Гранди-ду-Сул штати расмийларига кўра, камида 78 киши ҳалок бўлган, яна камида етти кишининг ўлими ушбу фавқулодда вазият билан боғлиқлиги текширилмоқда. Камида 74 киши бедарак йўқолган деб ҳисобланмоқда. Маҳаллий аҳоли вакилларидан камида 25 минг киши ўз уйларини тарк этишга мажбур бўлган. Ярим миллионга яқин киши электр энергияси ва ичимлик сув таъминотидан узилиб қолган. Associated Press агентлиги қайд этишича, бу минтақада сўнгги йилдаги тўртинчи сув тошқини бўлмоқда. 2023 йилда кузатилган сўнгги табиий офат оқибатида жами 75 киши ҳалок бўлганди. Бу сафарги сув тошқини 1941 йилги рекордни янгилади, айрим ҳудудларда сув сатҳининг кузатувлар тарихидаги энг юқори даражаси қайд этилди. Қуйида табиий офатдан жабрланган шаҳарлардаги вазият акс этган суратлар келтирилади.

    Бразилиянинг энг жанубий штати ҳисобланган Риу-Гранди-ду-Сул штати пойтахти — Порту-Алегри агломерацияси таркибига кирувчи Каноаса муниципалитетидаги сув босган ҳудудларнинг юқоридан кўриниши, 4 май
    Isaac Fontana / EPA / Scanpix / LETA
    Каноасада яшовчилар сув босган уйи олдида фавқулодда хизматлар вертолёти орқали эвакуация қилинишини кутмоқда, 4 май
    Isaac Fontana / EPA / Scanpix / LETA
    Дрон орқали олинган фотода Лажеаду муниципалитетида 3 май кунги сув тошқини оқибатлари акс этган. Ню Йоркдаги машҳур Озодлик ҳайкалининг Бразилиядаги репликалари Havan дўконлар тармоғи рўпарасида ўрнатилган — кадрда улардан бири акс этган
    Jeff Botega / Agencia RBS / Reuters / Scanpix / LETA
    Порту-Алегри агломерациясига ёндош жойлашган яна бир шаҳарча Прайя-де-Пакетада сув босган автомобил йўли, 3 май. Бу жойда Жакуи дарёси қирғоғидан тошиб чиққан
    Isaac Fontana / EPA / Scanpix / LETA
    Порту-Алегри маркази ҳам сув тошқинидан жиддий жабр кўрган. 4 май куни олинган фотода маҳаллий аҳоли ёппасига эвакуация қилинганидан кейин ҳувуллаб қолган кварталлар акс этган
    Renan Mattos / Reuters / Scanpix / LETA
    4 май куни Порту-Алегрида олинган яна бир кадр. Штат пойтахтида Гуаиба дарёси ҳам тошиб чиққан
    Ramiro Sanches / Getty Images
    4 май куни олинган бу фотода Риу-Гранди-ду-Сул штатидаги Санъат музейи акс этган — Порту-Алегридаги диққатга сазовор меъморий обидалардан бири бўлган бу музейда бразилиялик рассомларнинг ижод намуналаридан иборат йирик коллекция сақланади
    Matheus Piccini / Getty Images
    Порту-Алегрида сув босган яна бир диққатга сазовор маскан — Марио Кинтана номидаги маданият уйи. Аввалига меҳмонхона сифатида қурилган бу жой кўргазмалар, кинонамойишлар ва бошқа маданий тадбирлар ўтказиладиган жойга айланган. Бу ерга XX асрдаги таниқли бразил шоири номи берилган. 4 май
    Matheus Piccini / Getty Images
    Порту-Алегрининг тарихий қисмидаги кўчаларнинг сув тошқини вақтидаги кўриниши, 4 май
    Anselmo Cunha / AFP / Scanpix / LETA
    Каноаслик киши мушугини қутқармоқда, 4 май
    Carlos Macedo / AP / Scanpix / LETA
    Бразилия қуролли кучлари ҳарбийлари Каноаса аҳолиси вакилларига эвакуацияда ёрдам бермоқда, 4 май
    Carlos Macedo / AP / Scanpix / LETA
    Порту-Алегри аҳолиси штат пойтахти бўйлаб қайиқда ҳаракатланмоқда, 4 май
    Matheus Piccini / Getty Images
    Энкантаду муниципалитетида сув тошқини оқибатида лойга ботиб қолган автомобиллар, 3 май
    Diego Vara / Reuters / Scanpix / LETA
    Жакуи дарёсидан тошиб чиққан сув ичида қолган отлар, Прайя-де-Пакета, 3 май
    Isaac Fontana / EPA / Scanpix / LETA
    #Бразилия #сув тошқинлари

    Мавзуга оид

    20:45 / 10.11.2024

    БМТ: Жанубий Судандаги сув тошқинлари ярим миллионга яқин одамни бошпанасиз қолдирди

    17:58 / 10.11.2024

    Испанияда оммавий норозилик намойишлари: аҳоли Валенсия ҳукумати истеъфосини талаб қилмоқда

    23:05 / 06.11.2024

    Бразилиялик полициячи Интерпол раҳбарлигига сайланди

    22:11 / 02.11.2024

    Испанияда сув тошқинлари: яна 10 минг киши табиий офат юз берган ҳудудга юборилади