БМТ бош котиби Ўзбекистон ва Марказий Осиёнинг бошқа давлатларига ташриф буюради

Антониу Гутерриш шанба куни Ўзбекистон, Қирғизистон, Қозоғистон, Тожикистон ва Туркманистонга ташрифини бошлайди. 4 июл куни у Остонадаги ШҲТ саммитида нутқ сўзлайди. БМТ раҳбари 2017 йилда минтақага ташриф буюрган.

Фото: AP

29 июн куни БМТ бош котиби Антониу Гутерриш Марказий Осиё давлатларига сафар қилади. БМТ ахборот хизмати хабарига кўра, у аввал Ўзбекистонга, сўнгра Қирғизистон, Қозоғистон, Тожикистон ва Туркманистонга ташриф буюради. Гутерриш минтақага 2017 йилда ташриф буюрган эди. Жорий сафар 7 июлга қадар давом этади.

БМТ бош котиби матбуот котиби Стефан Дюжаррик жума куни Ню-Йоркда бўлиб ўтган брифингда Гутерриш ҳар бир мамлакатда давлат раҳбари ва юқори мартабали ҳукумат вакиллари билан учрашишини, иқлим ўзгаришига қарши кураш бўйича лойиҳалар билан танишишини, шунингдек, маҳаллий фаоллар билан мулоқот қилишини айтди.

4 июл куни БМТ бош котиби Шанҳай ҳамкорлик ташкилотининг Остонадаги саммитида иштирок этади. Гутерриш ўз нутқида БМТ Низоми ва Инсон ҳуқуқлари умумжаҳон декларациясига асосланган кўп томонлама тамойилларга содиқликни яна бир бор тасдиқлаш зарурлигини таъкидлайди. У бу саъй-ҳаракатларнинг марказида тинчлик бўлиши кераклигини айтади.

БМТ бош котиби, шунингдек, халқаро ҳамжамиятни геосиёсий зиддиятлар умумий таҳдидларни, жумладан, иқлим ўзгаришига қарши курашни самарали бартараф этишга имкон бермаслиги ҳақида огоҳлантирмоқчи.

#БМТ #Антониу Гутерриш