Қўшимча функционаллар
-
Тунги кўриниш
Мисрдаги жазирама энергия тизимини ишдан чиқарди
Мисрда аномал жазирама ҳукмрон бўлиб турибди: май ойидан буён Қоҳирада ҳаво ҳарорати 40 даражадан пастга тушмаяпти. Мамлакат электр станциялари жазирама мавсумигача ҳам ўсиб бораётган эҳтиёжни зўрға қондираётганди, ёз бошланиши билан юкламаларга дош бера олмасдан, бирин-кетин ишдан чиқмоқда.
Фото: unigid.com
Миср ҳукумати мамлакатнинг катта қисмида бир йилдан зиёдроқ муддатга электр энергияси истеъмолига чекловлар киритди. Бу эса миллионлаб мисрликлар 40 даражали жазирамада кондиционерлардан фойдаланишдан мосуво бўлганини англатади.
Ўтган ёзда электр энергияси етишмовчилиги Миср ҳукуматини ҳар кунлик узиб қўйишларни жорий қилишга мажбур қилганди. Блэкаутлар шу қадар одатий ҳолга айланиб қолдики, маҳаллий ОАВлар электр узилганда лифтда қамалиб қолса нималар қилиш кераклиги тўғрисидаги маслаҳатларни эълон қила бошлашди.
Маҳаллий ОАВларнинг хабарига кўра, ток узилиб, лифтда қамалиб қолиш туфайли шу пайтгача 9 киши вафот этган.
Жазирама Мисрдаги рекорд инфляция, субсидияларнинг қисқариши ва миллий валютанинг кескин таназзулига ҳам сабаб бўлмоқда. Мисрликлар жазирамага Саҳрои Кабирдан келаётган шафқатсиз иссиқлик тўлқинлари сабаб бўлаётгани тўғрисидаги расмий баёнотларни қийинчилик билан қабул қилишмоқда, деб ёзади The New York Times.
Иқлимшуносларнинг фикрича, Миср дунёда энг тез суръатлар билан қизиб бораётган давлатлардан бири саналади.
Мавзуга оид
16:56 / 16.11.2024
«Ҳам масъулият, ҳам жавобгарлик белгиланди» — энергетика вазири
18:36 / 15.11.2024
Бу йил қишда истеъмолчиларга 21 миллиард куб метр газ етказиб бериш режалаштирилган
15:10 / 13.11.2024
Биржага чиқарилаётган АИ-80 бензинининг бошланғич нархига нисбатан чеклов ўрнатилди
10:43 / 13.11.2024