Нигерияда йўловчи автобуси қуролли ҳужумга учради

Тараба штатида номаълум қуролли шахслар йўловчи автобусига қарата ўқ узиб, 8 кишини ўлдирди.

Фото: Anadolu agency

Нигерия жануби-шарқидаги Тараба штатида йўловчи автобусига уюштирилган қуролли ҳужум оқибатида камида саккиз киши ҳалок бўлди.

Маҳаллий манбаларга кўра, номаълум қуролли шахслар Такум-Вукари минтақасида йўловчи автобусига қарата ўқ узган.

Сўнгги пайтларда Нигериянинг турли ҳудудларига қуролли тўдалар, шунингдек, «Боко Ҳарам» ва ISWAP (ИШИД террорчилик ташкилотининг Ғарбий Африкадаги тармоғи) террор ташкилотлари тез-тез ҳужум қилиб келмоқда.