Қўшимча функционаллар
-
Тунги кўриниш
Европа Иттифоқининг Ўзбекистондаги янги элчиси тайинланди
Тойво Клаар ЕИнинг Ўзбекистондаги элчиси этиб тайинланди. У бундан аввал Европа Иттифоқининг Жанубий Кавказдаги махсус вакили бўлган.
Фото: Ташқи ишлар вазирлиги
Тойво Клаар Европа Иттифоқининг Ўзбекистондаги элчиси этиб тайинланди.
Ташқи ишлар вазирлиги хабарига кўра, Ўзбекистон ташқи ишлар вазири Бахтиёр Саидов элчининг ишонч ёрлиқлари нусхаларини қабул қилди.
Қайд этилишича, Ўзбекистон ҳукумати Марказий Осиё ва Европа Иттифоқи ўртасидаги яқин алоқаларни сезиларли натижалар билан бойитган ҳолда ҳисса қўшиш тарафдори.
“Бугунги учрашувимиз кун тартибидан Ўзбекистон—Европа Иттифоқи ҳамкорлигини мустаҳкамлаш ва долзарб глобал масалалар ўрин олди. Ишончимиз комилки, жаноб элчининг тажрибаси ва минтақамиз бўйича кенг билими унинг мамлакатимиздаги дипломатик миссияси самарали бўлишига хизмат қилади”, деб ёзди вазир.
Июл ойида Бахтиёр Саидов Европа Иттифоқининг Ўзбекистондаги элчиси сифатидаги дипломатик миссиясини якунлаётган Шарлотт Адриан билан учрашув ўтказган эди.
Маълумот учун, Тойво Клаар бундан аввал Европа Иттифоқининг Жанубий Кавказдаги махсус вакили бўлган.
Мавзуга оид
20:47 / 08.10.2024
Хитой ЕИнинг электромобиллар борасидаги қарорига жавобан Европа алкогол маҳсулотларига янги бож жорий этди
21:03 / 04.10.2024
Евроиттифоқ электромобиллар бўйича Хитой билан савдо урушини бошлади
21:48 / 28.09.2024
ЕИ давлатлари чегараларда янги биометрик тизимнинг жорий этилишига тайёр эмас — FT
22:34 / 26.09.2024