Бепул курс! Давлат харидлари иштирокчилари уюшмаси (ДХИУ) аёл тадбиркорлар учун давлат харидлари бўйича бепул курс ташкил қилади

Ўзбекистондаги аёл тадбиркорлар бизнесни ривожлантириш йўлида кўплаб қийинчиликларга дуч келади. Давлат харидлари эса уларнинг ўсиши учун улкан имкониятдир — бу бозорда ҳар йили 30 триллион сўмдан ошиқ маблағ ажратилади ва унда иқтисодиётнинг турли соҳалари қамраб олинади. Аммо ҳужжатларни расмийлаштиришдаги мураккабликлар, қатъий қоидалар, қисқа муддатлар ва танловнинг кўпинча шаффоф бўлмаган шартлари кўпчиликни, айниқса, аёлларни қийнаб қўяди. Чунки улар профессионал мажбуриятлар билан бирга, айрим ҳолларда, стереотипли муносабат ва муҳим билим ва ресурсларнинг етишмаслиги каби муаммоларга дуч келадилар. Шу сабабли, Давлат харидлари иштирокчилари уюшмаси (ДХИУ) аёл тадбиркорларга ёрдам бериш мақсадида махсус бепул ўқув курсини ишга туширмоқда.

Янги ёндашувни шакллантирувчи курс

Ушбу лойиҳа аёл тадбиркорларнинг сифатли таълим ва қўллаб-қувватлашга бўлган эҳтиёжларига жавобан яратилди. Таълим дастури давлат харидлари бўйича асосий билимлар билан бирга, тендерларда муваффақиятли иштирок этиш учун зарур воситаларни ҳам тақдим этади. Чунки фақат нима қилишни билиш етарли эмас — ўрганилган билимларни тўғри тадбиқ қилишни ҳам ўрганиш керак.

Курс давомида иштирокчилар қонунчиликдан бошлаб ҳужжатларни тайёрлашгача бўлган барча асосий жабҳаларни ўзлаштирадилар. Тажрибали мутахассислар муваффақиятли кейсларни таҳлил қилиб, тендерларда ғолиб чиқиш сирлари ва дарҳол амалда қўллаш мумкин бўлган фойдали маслаҳатларни берадилар.

Тендерларда ғолиб бўлишингиз учун муваффақиятли ечим

Курснинг ажралмас қисми — newtenderzone.uz платформаси билан танишиш бўлади. У бошқа шунга ўхшаш хизматлардан ўзининг қулай интерфейси ва кенг функционал имкониятлари билан ажралиб туради. Бу платформа турли тендер платформалари маълумотларини бирлаштириб, рақибларни чуқур таҳлил қилиш учун қулай воситаларни тақдим этади. newtenderzone.uz нафақат керакли тендерларни топишга ёрдам беради, балки ариза топшириш жараёнидаги хатоликларни минималлаштиради. Бу айниқса, янги иштирокчилар учун жуда муҳимдир.

Платформада керакли тендерларни қулай филтрлар ёрдамида топиш осон. Хизмат фойдали таклифларни таҳлил қилиш, ҳужжатларни тайёрлаш ва ҳатто "real time" режимида аризалар ҳолатини кузатиб бориш имкониятини беради. Шундай қилиб, newtenderzone.uz вақт ва кучни тежаб, уларни бизнес ривожланишига йўналтиришга имкон беради.

Курс устозлари: давлат харидлари соҳасидаги етакчилар

Ниязов Камол — newtenderzone.uz раҳбари, давлат харидлари соҳасида 10 йилдан ортиқ тажрибага эга таниқли мутахассис. Фаолияти давомида у 1000 дан ортиқ тендерлар учун стратегиялар ишлаб чиқишда муваффақиятли иштирок этган, тадбиркорларга профессионал маслаҳат ва қўллаб-қувватлаш хизматларини тақдим этган. Камол ўз билимларини фаол равишда бўлишиб, курс иштирокчиларига қонунчиликни тушуниш ва тендерларда ғолиб бўлиш учун зарур бўлган кўникмаларни ривожлантиришда ёрдам беради. Унинг кенг амалий тажрибаси ва бозорни чуқур тушуниши ушбу таълим дастурининг асосий устозларидан бирига айлантиради.

Анвар Муҳитдинов — ассоциация раиси бўлиб, унинг аъзоларининг ҳуқуқларини фаол ҳимоя қилади. Унинг раҳбарлигида кўплаб дискриминацион тендер шартларини қайта кўриб чиқиш ташаббуслари амалга оширилган, бу эса маҳаллий ишлаб чиқарувчиларнинг давлат харидларида иштирок этишини сезиларли даражада яхшилашга олиб келган. Анвар бошчилигида ассоциация давлат органлари билан муваффақиятли музокаралар олиб бориб, асосий норматив ҳужжатларни ўзгартириш ва барча бозор иштирокчилари учун тенг шароит яратишга қаратилган янги қоидаларни жорий этган. Унинг ишлари тадбиркорларни ўз ҳуқуқларини ҳимоя қилишга ва иқтисодиёт ривожида фаол иштирок этишга илҳомлантиради.

Давлат харидлари иштирокчилари уюшмаси (ДХИУ) билим эшикларини очади

Аммо Давлат харидлари иштирокчилари уюшмаси (ДХИУ) имкониятлари шу билан чекланмайди. Ташкилот нафақат индивидуал таълим, балки корпоратив дастурларни ҳам таклиф этади. Бу ходимларини ўқитиб, тендерларда самарали иштирок этиш стратегиясини шакллантиришни истаган компаниялар учун зўр таклифдир. Ҳар бир дастур буюртмачининг эҳтиёжларига мослаштирилади, бу эса барча иштирокчилар учун максимал фойда беради.

Бепул курсда қандай қатнашса булади?

Бепул курсга аризалар аллақачон қабул қилинмоқда (мақола тагидаги ҳавола орқали рўйхатдан ўтинг) ва 25 январга қадар давом этади. Ўринлар сони чекланган, шунинг учун шошилиш керак. Битирувчилар янги билимларини тасдиқловчи сертификатларни қўлга киритадилар ва бу сертификатлар тендерларда иштирок этишда қўшимча устунлик бўлади.

Лойиҳа Open Contracting Partnership (OCP) ҳамкорлигида ва АҚШ Давлат департаментининг молиявий кўмаги билан амалга оширилмоқда.

Янги ғалабаларга илҳомлантирувчи кўмак

Давлат харидлари иштирокчилари уюшмаси (ДХИУ) аёл тадбиркорларнинг муваффақияти — бутун иқтисодиётнинг муваффақияти эканлигига ишонади. Шу каби курслар нафақат тўсиқларни бартараф этади, балки янги чўққиларга эришиш учун илҳомлантиради. Бу шунчаки таълим эмас, бу ўз бозорини яхши томонга ўзгартириш учун ҳаракат қилаётган ишончли ва муваффақиятли тадбиркорлар жамоасини шакллантириш томон қадамдир.

newtenderzone.uz ва Давлат харидлари иштирокчилари уюшмаси (ДХИУ) сизга ҳаракат қилиш учун зарур бўлган воситалар ва билимларни беради.

Грант учун имтиҳон натижалари 25 январ куни @tender1uz телеграм каналида эълон қилинади. Қўшимча маълумот: +998 77-115-12-41.

Рўйхатдан ўтиш:

 Ўзбек тилида                 

 Рус тилида

Қўшимча маълумот:

augz.uz

tzone.uz

Реклама ҳуқуқи асосида