Volto тарихи: қандай қилиб Ўзбекистондаги маиший техника ишлаб чиқарувчиси сотувлар рекордини янгиламоқда?

Абдулла Арипов — Volto компаниясида маркетплейслар билан ишлаш бўйича йўналиш раҳбари

Менинг исмим Абдулла Арипов, 28 ёшдаман. Мен Volto компаниясида маркетплейслар ва экспорт йўналишига раҳбарлик қиламан. Компаниямиз арзон, бироқ сифатли маиший техника ишлаб чиқаришга ихтисослашган. Бу ерга келгунга қадар бошқа ишлаб чиқарувчи корхонада ишлаганман ва бир вақтнинг ўзида қўшимча даромад сифатида маркетплейсларда савдо билан шуғулланганман — ҳатто Volto маҳсулотларини қайта сотганман. Савдо ҳажмлари кескин ўсиб кетгач, Volto билан ҳамкорлик қилиш таклифини олдим.

Volto ўз фаолиятини 2017 йилда бошлаган. Илк фаолиятимиз Хитойдан тайёр маҳсулотлар импорт қилишдан иборат эди. Бироқ аллақачон 2018 йилда Ўзбекистонда ўзимизнинг ишлаб чиқариш линиямизни ишга туширдик. Дастлаб ярим автомат кир ювиш машиналари, кейин телевизорлар ва вентиляторлар, бу йилдан эса чаңгюткичлар ишлаб чиқаришни бошладик.

Техника ишлаб чиқариш турли даражада маҳаллийлаштирилган, масалан, вентиляторлар учун деярли барча қисмларни Ўзбекистонда ўзимиз ишлаб чиқарамиз, фақат моторларгина Хитойдан олиб келинади. Ўз ишлаб чиқаришимизга эга бўлишимиз — бу харидорлар учун сифатли ва ишончли техникани арзон нархларда таклиф қилиш имконини беради.

Ҳозирда компаниямизда 70 киши фаолият юритмоқда. Биз маҳсулотларимизни офлайнда дистрибьюторлар орқали ҳамда Market Yandex Go маркетплейсида онлайн сотамиз. Жорий йилдан бошлаб экспортни ҳам йўлга қўйдик — Қозоғистон, Озарбойжон ва бошқа давлатларга маҳсулот етказиб бермоқдамиз.

 Маркетплейслардаги тажриба: илк сотувлардан — рекордларгача

2024 йил декабрида мен Market Yandex Go Ўзбекистонда фаолият бошлашини эшитдим ва буни имконият сифатида дарҳол пайқадим. Мен учун янги маркетплейсга чиқиш — стратегик жиҳатдан муҳим қадам эди. Аллақачон март ойида биринчи бўлиб платформадан рўйхатдан ўтдик ва ҳали мавсум бошланмасидан 20 дона вентилятордан иборат синов партиясини жўнатдик.

Дастлабки сотувлар умидларимни оқлади — ҳатто мавсум бўлмаган вақтда ҳам талаб мавжуд эди. Ёзда эса биз рекорд кўрсаткичларга эришдик — июнь ва июль ойларида кунлик сотувлар 1 500 донагача етиб, омборларимиздаги барча маҳсулотлар тугаб қолди.

Бир куни эрталаб Market'нинг реферал дастурида қатнашган блогер қўнғироқ қилди ва ўз обуначиларига чегирма учун промокодлар тарқатган эди. У мендан вентилятор қолган-қолмаганини сўради — чунки кузатувчилари «Ҳеч нарса қолмабди, буюртма беролмаяпмиз» деб ёзишаётган экан. Ўша куниёқ биз Market омборига янги партияни етказиб бердик. Шу тариқа бизнинг вентиляторлар хитга айланди.

Солиштириш учун: бундан аввалги 3 йил мобайнида биз Ўзбекистонда барча онлайн ва офлайн платформалар орқали 15 000 дона вентилятор сотган эдик. Аммо бор-йўғи 3 ой ичида Market орқали 19 000 дона сотдик. Ва бу ҳали фақат Тошкент ва Самарқанд мижозлари ҳисобидан бўлаётган эди. Ҳозирда маркетплейс янги ҳудудларда ҳам фаолият бошламоқда — бу эса келгусидаги сотувларимизга ижобий таъсир кўрсатиши аниқ.

Маркетплейсларда ишлаш тажрибаси ҳақида

Маркетплейслар — бу янги савдо каналлари, улар орқали янада кенг аудиторияни қамраб олиш мумкин. Масалан, Market — бу нафақат мустақил маркетплейс, балки бутун Yandex экотизимининг бир қисми, чунки у Yandex Go иловаси орқали ҳам ишлайди. Бу эса, айниқса, янги бошлаётган сотувчилар учун катта афзаллик.

Сотувчи сифатида менга маркетплейснинг техник ёрдам хизмати катта ёрдам беради. Баъзида мижозлар томонидан норозиликлар, ноодатий вазиятлар юзага келиши мумкин — бу каби муаммоларни Market жамоаси тезкор ва самарали ҳал қилади.

Мижозлардан олинадиган фикр ва мулоҳазалар — яна бир муҳим восита. Харидорлар бевосита сайтда фикр қолдириш ёки биз билан алоқага чиқиш орқали маҳсулот сифатини ва хизмат даражасини яхшилашга ёрдам беришади.

Шунингдек, Market'да сотувчи ўзининг шахсий бренд саҳифасини ярата олади — бу эса ишонч ва брендингни кучайтиради.

Бундан ташқари, маркетплейс автоматик равишда реклама, акция ва чегирмалар орқали маҳсулотни тарғиб қилади — бу эса вақт ва маблағни тежашга ёрдам беради.

Келгуси режалар ҳақида

Биз маҳсулот турларини кенгайтиришни режалаштирмоқдамиз. Яқинда чаңгюткичлар ишлаб чиқаришни бошладик, ундан кейин — кондиционерлар, музлаткичлар ва бошқа турдаги маиший техника турлари ишлаб чиқариш режаси бор.

Бизнес режаларимизни мослашувчан равишда амалга оширяпмиз: бугунги кунда Ўзбекистоннинг барча 12 вилоятида дилерлик тармоғимиз мавжуд, маркетплейс эса стратегик муҳим онлайн канал сифатида фаолиятини давом эттирмоқда. Онлайн платформа орқали биз янги имкониятларга эга бўлдик ва келажакда ҳам бу йўлни ривожлантиришни ният қилганмиз.

Маркетплейсларда ишлашни хоҳлаганлар учун фойдали маслаҳатлар:

1.    Маркетплейсларга чиқишни кечиктирманг. Онлайн савдони имконият сифатида қабул қилинг ва уни имкони борича эртароқ бошланг. Баъзи ишлаб чиқарувчилар «пул у ерда туриб қолади», «сотув бўлмайди» деб қўрқишади. Лекин бу ёндашув уларни катта имкониятлардан маҳрум қилади.

2.    Маҳсулот захираси тўғрисида доим ўйланг. Агар сотувни бошлаган бўлсангиз, уни мунтазам равишда таъминлаб туриш зарур. Омборда маҳсулот доим бўлиши керак.

3.    Нарх сиёсатида балансни топинг. Нархни жуда юқори белгиласангиз — сотув бўлмайди, жуда паст қўйсангиз — фойда қолмайди. Шунинг учун харидор учун ҳам, сиз учун ҳам қулай бўлган нархни белгилаш муҳим.