Тошкент метроси бир кунда ўртача 753 минг йўловчига хизмат кўрсатди

Миллий статистика қўмитаси маълумотларига кўра, 2025 йил январ–сентябр ойларида метрополитен орқали жами 205,7 млн нафар йўловчи ташилди. Бу 2024 йилнинг мос даврига нисбатан 14,4 млн нафарга ёки 7,5 фоизга кўп.

Фото: Kun.uz

Қўмита қайд этганидек, жорий йилнинг тўққиз ойида метро хизматларидан фойдаланиш ҳажми ортиб борди. Ҳисоб-китобларга кўра, мазкур даврда метрополитенда кунлик ўртача 753,5 минг нафар йўловчи ташилган (205,7 млн / 273 кун). Бу кўрсаткич шаҳар жамоат транспортига бўлган талаб барқарор ўсишда эканини англатади.

Мутасаддилар фикрича, йўловчи оқимининг кўпайиши инфратузилманинг янгиланиши, ҳаракат жадвали такомиллашуви ҳамда тўлов тизимларининг рақамлашуви билан изоҳланади.