Asia Alliance Bank CX Banking Index 2025’da икки йўналиш бўйича ғолиб бўлди

Ўзбекистондаги мобил банк иловалари ва улар орқали тақдим этилаётган рақамли хизматлар сифатини баҳолашга қаратилган CX Banking Index 2025 тадқиқоти якунларига кўра, Asia Alliance Bank бир вақтнинг ўзида икки йўналишда мукофотга сазовор бўлди.

Фото: Asia Alliance Bank

Тадқиқот доирасида мамлакатда фаолият юритаётган 33 та мобил банк иловаси таҳлил қилиниб, уларнинг рақамли мижоз тажрибаси баҳоланди. Асосий мезон сифатида мижозлар таассуротлари индекси (iCX) қўлланилди. Ушбу кўрсаткич банклар, уларнинг маҳсулотлари ҳамда мижозлар билан алоқа каналлари ўртасидаги хизматлар сифатини солиштириш имконини беради.

Юқори рақобат шароитида Asia Alliance Bank’нинг Alliance Pay иловаси энг яхши натижаларни қайд этиб, тадбирнинг асосий ғолибларидан бирига айланди. Хусусан, банк “Daily Banking” йўналишида олтин, “Payments” йўналишида эса бронза мукофотини қўлга киритди. Баҳолашда кундалик молиявий операцияларнинг қулайлиги, иловадан фойдаланишдаги интуитив ечимлар ҳамда тўлов хизматларининг сифати ва ишончлилиги инобатга олинган.

Мукофотлар мижозлар тажрибаси рақамли банк хизматларида ҳал қилувчи омил эканини яна бир бор тасдиқлади. Asia Alliance Bank инновацион ечимларни жорий этиш ва молиявий хизматларни янада қулай қилиш орқали ўз позицияларини мустаҳкамлашда давом этмоқда.

Telegram | Instagram | Facebook | YouTube | aab.uz

Реклама ҳуқуқи асосида

Тайёрлаган: Kun.uz Admin

#Asia Alliance Bank