Сифатни йўқотмасдан маҳаллийлаштириш: ЮРiЯ-ФАРМ Ўзбекистонда қандай фаолият юритмоқда?

Халқаро фармацевтика компаниялари янги бозорларга кириб келганда, сифат масаласи ҳал қилувчи омилга айланади. Ишлаб чиқариш жараёнларини бошқа мамлакатга кўчириш нафақат инвестицияларни, балки маҳсулот сифати барқарорлигини таъминлай оладиган пухта назорат тизимини ҳам талаб этади.

Айнан шу тамойилдан келиб чиқиб, Украинанинг ЮРiЯ-ФАРМ фармацевтика гуруҳи Ўзбекистонда ўз ишлаб чиқаришини — Reka-Med Farm заводи негизида — ривожлантиришни бошлади. 50 дан ортиқ бозорда фаолият юритаётган компания учун маҳаллийлаштириш алоҳида “минтақавий лойиҳа” эмас. Аксинча, бу тадқиқот, ишлаб чиқариш ва дистрибуцияни қамраб олган ягона операцион моделнинг мантиқий давомидир.

Компания ҳақида

ЮРiЯ-ФАРМ — 1990 йилда ташкил этилган Украина фармацевтика гуруҳи бўлиб, унинг асосий фаолият йўналишлари R&D, дори воситалари ва тиббий буюмлар ишлаб чиқариш, маркетинг ҳамда дистрибуциядан иборат.

ЮРiЯ-ФАРМнинг Ўзбекистондаги ваколатхонаси 2008 йилда очилган. Шу вақт мобайнида компания мамлакатда Марказий Осиёдаги энг йирик жамоалардан бирини шакллантирди ҳамда бозордаги иштирокини изчил кенгайтириб борди.

Proxima Research аналитик компанияси маълумотларига кўра, 2025 йил якунлари бўйича ЮРiЯ-ФАРМ Ўзбекистоннинг барча фармацевтика компаниялари орасида иккинчи ўринни эгаллаган ҳамда ўзининг кўплаб маҳсулот сегментларида етакчи ҳисобланади.

2018 йилда компания GD-PHARM номли ўз дистрибюторлик тузилмасини ташкил этди, бу эса логистика жараёнларини мустаҳкамлаш ва маҳсулотларнинг мамлакат бўйлаб мавжудлигини ошириш имконини берди.

2023 йилда ЮРiЯ-ФАРМ Ўзбекистондаги Reka-Med Farm фармацевтика корхонасини сотиб олди ва ишлаб чиқариш майдонини модернизация қилиш жараёнини бошлади. Маҳсулотни жорий йилда ишлаб чиқариш режалаштирилган. Заводнинг ишга туширилиши гуруҳ доирасида ишлаб чиқариш қувватларининг қарийб 10 фоизини қайта тақсимлаш имконини беради.

Шу тариқа, компаниянинг Ўзбекистондаги стратегияси экспортёр моделидан ўзининг тўлиқ ишлаб чиқариш циклига эга интеграциялашган маҳаллий иштирок моделига трансформация қилинди.

Жойлашувдан қатъи назар ягона стандарт

Фармацевтика соҳасида ҳал қилувчи омил ишлаб чиқариш географияси эмас, балки препаратнинг барқарорлиги ва хавфсизлигини таъминлайдиган тизимдир. Шу боис Ўзбекистонда ишлаб чиқаришни йўлга қўйишда YURiA-PHARM стандартларни “жойга мослаштириш” йўлини эмас, балки Reka-Med Farm заводини аллақачон амалда бўлган корпоратив сифат назорати моделига тўлиқ интеграция қилишни танлади.

Гап корхонанинг компания иш жараёнлари умумий мантиғига чуқур интеграцияси ҳақида бормоқда. Бу хомашё ва етказиб берувчиларни танлашда ягона ёндашувлар, стандартлаштирилган ишлаб чиқариш тартиб-таомилларини қўллашни англатади. Шунингдек, кирувчи материалларни текширишдан тортиб тайёр маҳсулотни чиқаришгача бўлган босқичма-босқич сифат назоратини назарда тутади. Бундай ёндашув натижанинг олдиндан аниқ бўлишини таъминлаш ва маҳаллий омилларнинг маҳсулот якуний хусусиятларига таъсирини минималлаштириш имконини беради.

Натижада Ўзбекистон майдонида ишлаб чиқарилаётган маҳсулотлар гуруҳнинг бошқа заводларида чиқариладиган препаратлар билан бир хил спецификациялар ва сифат талаблари асосида ишлаб чиқарилади.

Тажриба билан мустаҳкамланган технологиялар

Ишлаб чиқариш майдонини модернизация қилиш фақат ускуналарни янгилаш билан чекланмайди. Лойиҳанинг асосий элементи — ЮРiЯ-ФАРМ бошқа бозорларда қўллаб келаётган тўпланган экспертиза ва амалиётларни кўчиришдир.

Reka-Med Farm билан ишлаш жараёнига компаниянинг ишлаб чиқариш, сифат ва фармацевтик технологиялар йўналишидаги мутахассислари жалб этилган. Улар жараёнларни созлаш, линияларни ишга тушириш ва валидация қилиш, ходимларни ўқитиш ҳамда ички стандартларни жорий этишда иштирок этмоқда. Бу бир марталик консалтинг эмас, балки барқарор ишлаб чиқариш жараёнларини шакллантиришга қаратилган изчил ҳамкорликдир.

Бундай формат ягона ишлаб чиқариш маданиятини шакллантириш имконини беради: маҳаллий жамоа гуруҳнинг бошқа бўлинмалари билан ягона профессионал контекстда ишлайди, заводнинг ўзи эса халқаро операцион тизимнинг бир қисмига айланади.

Маҳаллий ишлаб чиқариш — барқарорлик омили

Фармацевтика ишлаб чиқаришини мамлакат ҳудудида ташкил этилиши корпоратив манфаатлар доирасидан кенгроқ аҳамиятга эга. Соғлиқни сақлаш тизими учун бу, аввало, таъминот барқарорлиги ва бозор эҳтиёжларига тезкор жавоб бериш имкониятидир.

Ўзбекистондаги ишлаб чиқариш базаси ташқи логистикага бўлган қарамликни камайтиради, етказиб бериш муддатларини қисқартиради ва режалаштиришда мослашувчанликни оширади. Шунингдек, у экспорт йўналишларини, энг аввало, регулятор ёндашувлари ўхшаш Марказий Осиё мамлакатлари томон ривожлантириш учун янги имкониятлар яратади.

Узоқ муддатли истиқболда Reka-Med Farm маҳсулотлари нафақат ички бозорни таъминлаш, балки минтақанинг қўшни давлатларига экспорт қилиш учун ҳам кўриб чиқилмоқда.

Тармоқ учун аҳамияти

ЮРiЯ-ФАРМнинг Ўзбекистондаги лойиҳаси бир нечта самарани бирлаштиради: ишлаб чиқариш базасини янгилаш, профессионал компетенцияларни ривожлантириш, янги иш ўринларини яратиш ҳамда маҳаллий корхонани халқаро стандартлар ва илғор амалиётлар тизимига интеграция қилиш.

Компания учун бу Марказий Осиёдаги иштирокини изчил ривожлантириш йўлидаги навбатдаги қадамдир. Бозор учун эса — маҳаллий фармацевтика ишлаб чиқариши пухта йўлга қўйилган жараёнлар, шаффоф талаблар ва сифатга узоқ муддатли ёндашув асосида қандай ривожланиши мумкинлигининг амалий мисолидир.

Натижада ҳал қилувчи омил қадоқда кўрсатилган мамлакат номи эмас, балки ҳар бир ишлаб чиқарилган серия ортида турган инфратузилма, назорат ва масъулиятдир. Айнан шу тамойил асосида ЮРiЯ-ФАРМ Ўзбекистондаги фаолиятини йўлга қўймоқда.

Реклама ҳуқуқи асосида