Yoqutistonda yong‘in tufayli 5 kishi halok bo‘ldi

Yoqutistondagi 2 qavatli turar joy binolaridan birida ro‘y bergan yong‘in tufayli 5 kishi halok bo‘ldi, ulardan biri yosh bola edi. Bu haqda Interfaks agentligi xabar tarqatgan.

"Yonib ketgan uydan 2 erkak, 2 ayol hamda 1 bolaning jasadi aniqlangan", deydi tergov qo‘mitasi vakili.

Yong‘in vaqtida uylardan biri butunlay vayron bo‘lgan, pod'yezd ham shikastlangan. Binoda yashovchi boshqa 22 kishi yong‘in vaqtida binoni tark etishga ulgurgan.